لاہور پولیس نے نومولود کو دفنانے کی کوشش ناکام بنا دی، 3 ملزمان گرفتار

لاہور کے علاقے نواب ٹاؤن میں پولیس نے بروقت کارروائی کرتے ہوئے ایک نومولود کو مبینہ طور پر دفنانے کی کوشش ناکام بنا دی اور اس سلسلے میں 3 ملزمان کو گرفتار کر لیا۔

پولیس کے مطابق اطلاع ملنے پر فوری کارروائی کی گئی، جس کے دوران ملزمان زمین میں گڑھا کھود کر نومولود کو دفنانے کی کوشش کر رہے تھے۔ گرفتار افراد میں ایک مرد اور دو خواتین شامل ہیں۔ترجمان ڈی آئی جی آپریشنز نے بتایا کہ ابتدائی تفتیش کے دوران ملزمان نے مبینہ اسقاط حمل سے متعلق اہم انکشافات کیے ہیں۔ تاہم واقعے کی مختلف پہلوؤں سے شفاف اور میرٹ پر تفتیش جاری ہے۔پولیس کا کہنا ہے کہ تفتیش مکمل ہونے کے بعد حقائق سامنے لائے جائیں گے اور قانون کے مطابق مزید کارروائی عمل میں لائی جائے گی۔