پیر، 16 نومبر، 2026
Baaghi TV Logo
ٹرینڈنگ

رابرٹ پیٹنسن نئے جیمز بانڈ منتخب، ڈینیئل کریگ کی جگہ ایجنٹ 007 کا کردار نبھائیں گے


برطانوی اداکار رابرٹ پیٹنسن کو مشہور فلمی سیریز جیمز بانڈ کے نئے مرکزی کردار کے لیے منتخب کرلیا گیا ہے۔ وہ ایجنٹ 007 کا کردار ادا کرنے والے ساتویں اداکار ہوں گے۔

برطانوی میڈیا کے مطابق جیمز بانڈ کے آفیشل انسٹاگرام اکاؤنٹ پر رابرٹ پیٹنسن کی بطور نئے جیمز بانڈ تقرری کا باضابطہ اعلان کیا گیا ہے۔

رابرٹ پیٹنسن اس کردار میں ڈینیئل کریگ کی جگہ لیں گے، جنہوں نے 2021 میں فلم ’’نو ٹائم ٹو ڈائی‘‘ کے بعد جیمز بانڈ کی فلمی سیریز کو خیرباد کہہ دیا تھا۔

رپورٹس کے مطابق نئے جیمز بانڈ کے انتخاب کا عمل طویل عرصے تک جاری رہا۔ آنے والی فلم کی ہدایت کاری ڈینس ویلینیو کریں گے جبکہ اس کا اسکرپٹ اسٹیون نائٹ لکھیں گے۔

رابرٹ پیٹنسن نے اس کردار کے لیے منتخب ہونے کو اپنے لیے زندگی کا بڑا اعزاز قرار دیا ہے۔