پی پی پی چیئرمین بلاول بھٹو زرداری کا دیوالی پر پیغام

0
51

کراچی : پی پی پی چیئرمین بلاول بھٹو زرداری کا دیوالی پر پیغام

پی پی پی چیئرمین کی جانب سے پاکستان سمیت دنیا بھر میں آباد ہندو برادری کو دیوالی کی مبارکباد اور نیک خواہشات کا اظہار کیا گیا ۔
بلاول بھٹو زرداری نے کہا کہ دیوالی کا تہوار برائی پر اچھائی کی فتح کی علامت ہے ۔ دیوالی کا پیغام یہ ہے کہ برائی کتنی ہی طاقتور کیوں نہ ہو، اٹل ارادے اور جہدِ مسلسل کے ہاتھوں شکست ہی اس کا مقدر ہے ۔ ملک میں اندھیروں، ناانصافیوں اور عدم مساوات کے خلاف لڑنا ہی پی پی پی کا فلسفہ ہے ۔ قائدِ عوام، شہید محترمہ بینظیر بھٹو اور سابق صدر آصف زرداری نے اقلیتی برادری کی بھبود کے لیئے اقدام اٹھائے ۔
بلاول بھٹو زرداری نے کہا کہ پی پی پی کی آئندہ حکومت ملک میں اقلیتوں کی ترقی، ان کے حقوق کے تحفظ کے لیئے مزید اقدام اٹھائے گی ۔ ملک میں بین المذاہب ہم آہنگی کو فروغ دینے کے لیئے بھی اقدام اٹھائے گی ۔
بلاول بھٹو زرداری نے اپیل کی کہ ہندو برادری آج دیوالی پر پاکستان کی سلامتی اور خوشحالی کے لیئے دعائیں مانگیں ۔

Leave a reply