پیپلز پارٹی کے رہنماؤں کی ماڈل ٹاؤن آمد، حکومت پر برس پڑے

پیپلز پارٹی کے رہنما ؤں کی شہباز شریف اورحمزہ شہباز شریف سے تعزیت کیلئے ماڈل ٹاون امد

ناصر حسین شاہ نے خطاب کے دوران کہا کہ
ہمارا وفد تعزیت کیلئے آیا ہے، ہم شریف خاندان کے ساتھ دکھ میں برابر کے شریک ہیں
وفاقی حکومت کی کارکردگی کیخلاف لوگ باہر نکلے ہیں،اپوزیشن کے جلسوں میں کورونا آ جاتا ہے اور کورونا نہ ہو تو نیب آجاتا ہے،گھوٹکی اور لاڑکانہ میں حکومت کے خود اپنے جلسوں میں کورونا ایس او پیز دیکھے جا سکتے ہیں

کل کے جلسے میں لوگوں کی بڑی تعداد نے شرکت کی،عام آدمی کا جینا دو بھر ہوا ہے،عام آدمی دوائیاں، بجلی کے بل اور بچوں کے اخراجات نہیں برداشت کر سکتا،این آر او جن کو دینا تھا انہیں دے دیا گیا ہے،موجودہ حکومت لڑکھڑاتی اور مانگے تانگے کی حکومت ہے،ابھی چودھری برادران ناراض تھے کل اختر مینگل چھوڑ گئے

پیپلز پارٹی کے رینماسعید غنی نے اپنے خطاب میں کہا کہ ملتان میں تمام راستے بند کرنے کے باوجود ہزاروں لوگ جمع ہوئے،پاکستان کی عوام اب حکومت کے جبر سے گھبرا کر پیچھے ہٹنے والے نہیں ہیں
اب یہ سلسلہ رکنے والا نہیں ہے،وزراء کے بیانات پر حیرت ہوتی ہے انہیں سمجھ نہیں آتی،13 دسمبر کو لاہور کا جلسہ تاریخی ہوگا،

پی ٹی آئی سیاست دانوں کی جماعت نہیں ہے
یہ اٹھائی گیروں اور ٹھگ بازوں کی جماعت ہے
جو سب کو چور کہتا ہے اسکی بہن اور لیڈروں نے این آر او لے رکھے ہیں،آصفہ بھٹو کی سیاست میں دلچسپی ہے،کل کا خطاب آصفہ کا آخری خطاب نہیں بلکہ آئندہ بھی آپ سنیں گے