گورنر ہاؤس نتھیا گلی عوام کیلئے کھول دیا جائے ، وزیراعظم نے حکم دے دیا

اسلام آباد: وزیراعظم عمران خان نے عوام سے کیا گیا ایک اور وعدہ پورا کردیا ، وزیراعظم عمران خان نے گورنر ہاؤس نتھیا گلی کو عوام کے لیے کھولنے کا اعلان کردیا ہے۔اپنے ٹوئٹر پیغام میں انہوں نے گورنر پاوس نتھیا گلی کی ویڈیو شیئر کی۔1923 میں تعمیر ہونے والے نتھیا گلی گورنر ہاؤس سطح سمندر سے 7922 فٹ کی بلندی پر واقع ہے۔

وزیراعظم عمران خان نے نتھیا گلی گورنرہاوس کو عوام کے لیے کھولنے کا حکم صادر کرتے ہوئے کہا کہ نوآبادیات کی یہ نشانیاں جن کی دیکھ بھال کیلئے ٹیکس کے پیسوں سے سالانہ کروڑوں کے اخراجات اٹھتے، اب حکومت کیلئے آمدن کا ذریعہ بنیں گے۔پیغام میں ان کا کہنا تھا کہ ’ان عمارتوں کی تزئین و آرایش پر سالانہ کروڑوں روپے خرچ ہوتے تھے، اب یہ عمارتیں حکومت کیلئے ریونیو پیدا کریں گی۔‘