ابوظہبی :پی ایس ایل : پشاور زلمی یونائیٹڈ کو شکست دے کر فائنل میں پہنچ گئی،اطلاعات کے مطابق پاکستان سپر لیگ(پی ایس ایل) کے چھٹے ایڈیشن کے دوسرے ایلیمنیٹر میں پشاور زلمی نے حضرت اللہ زازئی اور جوناتھن ویلز کی عمدہ بیٹنگ کی بدولت اسلام آباد یونائیٹڈ کو 8 وکٹوں سے شکست دے کر فائنل میں جگہ بنا لی۔
🔥 #MatchDikhao l #HBLPSL6 I #IUvPZ pic.twitter.com/rNgQ7rAP5q
— PakistanSuperLeague (@thePSLt20) June 22, 2021
ابوظبی میں کھیلے گئے لیگ کے دوسرے ایلیمنیٹر میں پشاور زلمی نے اسلام آباد یونائیٹڈ کے خلاف ٹاس جیت کر پہلے باؤلنگ کا فیصلہ کیا۔
پاکستان سپر لیگ(پی ایس ایل) 6 کے دوسرے ایلی منیٹر میچ میں اسلام آبادیونائیٹڈ نے پشاور زلمی کوجیت کے لیے 175 رنز کاہدف دیا ہے۔
.@PeshawarZalmi get their second! Imran with a fantastic first over gets Akhlaq!#HBLPSL6 | #MatchDikhao | #IUvPZ pic.twitter.com/VoFE78FAxK
— PakistanSuperLeague (@thePSLt20) June 22, 2021
ابوظبی میں کھیلے جارہے میچ میں پشاور زلمی کے کپتان وہاب ریاض نے ٹاس جیت کر اسلام آباد یونائیٹڈ کو پہلے بیٹنگ کی دعوت دی جس پر اسلام آبادیونائیٹڈ نے مقررہ 20 اوورز میں 9 وکٹ پر 174 رنزبنائے۔
اسلام آبادیونائیٹڈ کی جانب سے حسن علی نے دھواں دھار بیٹنگ کی اور 16 گیندوں پر45 ر نزبنائے، ان کی اننگزمیں 3چھکے اور5 چوکے شامل ہیں۔
WHOA that was a biggie! 😲#HBLPSL6 | #MatchDikhao | #IUvPZ pic.twitter.com/CI62wK3xzf
— PakistanSuperLeague (@thePSLt20) June 22, 2021
ان کے علاوہ کولن منرو 44 رنزبناکرنمایاں رہے، شاداب خان نے 15 اور افتخار احمد نے 10 رنزبنائے۔
پشاور زلمی کی جانب سے وہاب ریاض اور عمید آصف نے2،2 جب کہ محمد عمران ، محمدعرفان اور عماد بٹ نے ایک ایک وکٹ حاصل کی
175 رنز کے ہدف کے تعاقب میں حسن علی نے دو نوبال کے ساتھ اننگز کا آغاز کیا اور پہلے اوور میں 15 رنز دے دیے لیکن اوور کی آخری گیند پر کامران اکمل کو آؤٹ کر کے غلطی کا ازالہ کردیا۔
A six, a dropped catch and a wicket! Too much happening in that over!#HBLPSL6 | #MatchDikhao | #IUvPZ pic.twitter.com/n33yc6o1Mu
— PakistanSuperLeague (@thePSLt20) June 22, 2021
حضرت اللہ زازئی اور جوناتھن ویلز نے عمدہ بیٹنگ کا مظاہرہ کیا اور ذمے دارانہ بیٹنگ کا مظاہرہ کرتے ہوئے 126 رنز کی شراکت قائم کر کے یونائیٹڈ کو میچ سے باہر کردیا۔
زازئی اس اننگز کے دوران خوش قسمت رہے اور ابتدا میں ہی حسن علی کی گیند پر وکٹ کیپر کیچ لینے میں ناکام رہے۔دونوں کھلاڑیوں نے نصف سنچری اسکور کی اور اسکور کو 141 تک پہنچا دیا، زازئی 4 چھکوں اور چھ چوکوں سے مزین 66 رنز بنانے کے بعد آؤٹ ہوئے۔
HUGE! 😱
Right after dropping a catch, @KamiAkmal23 calls for the review that dismisses the dangerous Munro!#HBLPSL6 | #MatchDikhao | #IUvPZ pic.twitter.com/bDZIOWUZ3V
— PakistanSuperLeague (@thePSLt20) June 22, 2021
نئے بلے باز شعیب ملک نے بھی جارحانہ انداز اپنایا اور صرف 10 گیندوں پر 32 رنز کی باری کھیل کر اپنی ٹیم کو 19 گیندوں قبل ہی فتح سے ہمکنار کرا دیا۔اس میچ میں فتح کے ساتھ ہی پشاور زلمی نے فائنل میں جگہ بنا لی جہاں ان کا مقابلہ ملتان سلطانز سے ہو گا۔
میچ کے لیے دونوں ٹیمیں ان کھلاڑیوں پر مشتمل تھیں۔
پشاور زلمی: وہاب ریاض(کپتان)، کامران اکمل، حضرت اللہ زازئی، جونو ویلز، صہیب مقصود، روومین پاول، شرفین ردرفورڈ، عماد بٹ، عمید آصف، محمد عرفان، محمد عمران۔
اسلام آباد یونائیٹڈ: شاداب خاب(کپتان)، عثمان خواجہ، کولن منرو، برینڈن کنگ، افتخار احمد، آصف علی، محمد اخلاق، حسن علی، محمد وسیم، فہیم اشرف، عاکف جاوید۔