پی ٹی آئی کا نگراں حکومتوں کو ہٹانے کیلئے قانونی کارروائی کا آغاز

پی ٹی آئی نگراں حکومتوں کو ہٹانے کیلئے سپریم کورٹ پہنچ گئی

پاکستان تحریک انصاف نے آئینی مدت کی تکمیل کے بعد پنجاب اور خیبرپختونخوا کی نگران حکومتوں کو ہٹانے کے لیے قانونی کارروائی کا آغاز کرتے ہوئے سپریم کورٹ میں باضابطہ درخواست دائرکردی ہے۔ ترجمان پی ٹی آئی کے مطابق درخواست پاکستان تحریک انصاف، سابق وزیراعلیٰ پنجاب چوہدری پرویز الہیٰ اور سابق وزیراعلیٰ خیبرپختونخوا محمود خان کی جانب سے دائر کی گئی ہے۔

دستور کے آرٹیکل 184(3) کے تحت دائر کردہ درخواست میں سپریم کورٹ سے آئینی مدت کی تکمیل کے بعد پنجاب اور خیبر پختونخوا کے نگران وزرائے اعلیٰ کو فوری طور پر ہٹائے جانے کی استدعا کی گئی ہے۔ درخواست میں دونوں نگران وزرائے اعلیٰ کو اختیارات کے استعمال سے فوری طور پر روکنے کی بھی استدعا کی گئی ہے۔

درخواست گزاروں نے عدالت عظمیٰ سے اپنی نگرانی میں پنجاب و کے پی میں روزمرہ کے امور چلانے کا طریقۂ کار وضع کرنے کی بھی استدعا کی ہے۔ دائر درخواست میں مزید کہا گیا ہے کہ عام انتخابات کے انعقاد کے نتیجے میں منتخب حکومتوں کے قیام تک روزمرہ کے امور کی دیکھ بھال کیلیے عدالت اپنی نگرانی میں طریقۂ کار وضع کرے۔

ترجمان کے مطابق درخواست میں وفاق پاکستان کو داخلہ، خزانہ اور قانون و انصاف کے سیکرٹریز کے ذریعے فریق بنایا گیا ہے۔ درخواست میں صدر اور وزیراعظم کے پرنسپل سیکرٹریزکے علاوہ پنجاب اور خیبر پختونخوا کے نگران وزرائے اعلیٰ اور الیکشن کمیشن آف پاکستان کو بھی فریق بنایا گیا ہے۔
مزید یہ بھی پڑھیں؛
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
ترجمان کے مطابق درخواست میں پنجاب و خیبرپختونخوا کی اسمبلیوں کی تحلیل اور نگران حکومتوں کی تشکیل کے تمام حقائق فراہم کیے گئے ہیں اور دستورِ پاکستان اور انتخابی قوانین کی متعلقہ بنیادوں کو بھی صراحت سے بیان کیا گیا ہے.