عمران خان کل اسلام آباد ہائیکورٹ میں پیشی کے بعد سرینگر ہائی وے پر خطاب کریں گے. پی ٹی آئی کا اعلان

عمران خان اسلام آباد ہائیکورٹ میں پیشی کے بعد سرینگر ہائی وے پر خطاب کریں گے. پی ٹی آئی کا اعلان

القادر ٹرسٹ کیس میں سابق وزیراعظم کی رہائی کے بعد پاکستان تحریک انصاف کی جانب سے بتایا گیا ہے کہ چیئر مین عمران خان اسلام باد ہائیکورٹ میں پیشی کے بعد سرینگر ہائی وے پر خطاب کریں گے۔ سماجی رابطے کی ویب سائٹ ٹویٹر پر پی ٹی آئی نے ٹویٹ میں لکھا کہ چئیرمین تحریک انصاف عمران خان سے اظہار یکجہتی کے لیے ملک بھر سے ہزاروں پرامن پاکستانی کل صبح 10 بجے سرینگر ہائی وے G-13 اسلام آباد پر جمع ہوں گے۔

ٹویٹ میں انہوں نے کہا کہ اسلام باد ہائیکورٹ میں پیشی کے بعد عمران خان اس مقام پر خطاب کریں گے۔ جبکہ بیان میں کہا گیا کہ عمران خان کو غیرقانونی بنیاد پر عدالت کے احاطے سے گرفتار کیا گیا تھا، محب وطن پاکستانی 12 مئی 2023 کو پرامن انداز میں اسلام آباد میں جمع ہوں گے۔

یاد رہے کہ اس سے قبل پاکستان تحریک انصاف کی جانب سے کہا گیا تھا کہ عمران خان کی گرفتاری کے عمل کو غیرقانونی قرار دینے کے فیصلے کا خیرمقدم کرتی ہے، قیادت مشاورت کے بعد اگلا سیاسی لائحہ عمل طے کرے گی، پرامن سیاسی جدوجہد پر یقین ر کھتے ہیں، امید کرتے ہیں تمام ادارے سپریم کورٹ کے احکامات پر سختی سے عمل کرتے ہوئے عمران خان کی سیکیورٹی کا خیال رکھیں گے۔

پاکستان تحریک انصاف کے چیئر مین اور سابق وزیراعظم عمران خان نے کہا ہے کہ تمام لوگ پُر امن احتجاج کریں، ملک کو نقصان نہ پہنچایاجائے، سب سے کہتا ہوں سرکاری اور نجی املاک کو نقصان نہ پہنچائیں۔ چیف جسٹس آف پاکستان جسٹس عمر عطاء بندیال کی سربراہی میں عمران خان کی گرفتاری کیخلاف دائر درخواست پر سماعت ہوئی، دیگر ججز میں جسٹس ا طہر من اللہ اور جسٹس محمد علی مظہر شریک تھے۔

پی ٹی آئی کی طرف سے سینئر وکیل حامد خان دلائل دینے سپریم کورٹ پہنچے، گزشتہ روز پی ٹی آئی چیئرمین کی گرفتاری کیخلاف درخواست دائر کی گئی تھی. سماعت کے بعد سپریم کورٹ نے سابق وزیراعظم اور پاکستان تحریک انصاف کے چیئر مین عمران خان کو اسلام آباد ہائیکورٹ کے احاطے سے ہونے والی گرفتاری کو غیر قانونی قرار دیدیا اور انہیں رہا کرنے کا حکم دیدیا۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
عدالت کی طرف سے حکم دیا گیا کہ پاکستان تحریک انصاف کے چیئر مین اسلام آباد ہائیکورٹ سے کل رجوع کریں اور آپ کو عدالت عالیہ کا فیصلہ ہر حال ماننا ہو گا۔ سماعت کے دوران چیف جسٹس نے عمران خان کو مخاطب کرتے ہوئے کہا کہ الزام ہے کہ آپ نے ورکرز نے سڑکوں پرماحول بنایا، آپ کو دیکھ کر اچھا لگا، عدالت کوکچھ خدشات ہیں، آپ کو ملک میں پرتشددمظاہروں کاعلم ہوگا، یہ شاید سیاسی عمل کا حصہ ہےلیکن امن بحال کرناہوگا، امن بحال ہوگاتوآئینی مشینری کام کرسکےگی، عدالت کی خواہش ہے کہ آپ پرتشددمظاہروں کی مذمت کریں، عدالت ہرشہری کےتحفظ کیلئے بیٹھی ہے۔ امن ہوگاتوہی ریاست چل سکےگی۔ یہ ذمہ داری ہر سیاست دان کی ہے۔