پنجاب انسٹی ٹیوٹ آف نیورو سائنسز کے کتنے ملازمین میں ہوئی کرونا کی تشخیص؟
پنجاب انسٹی ٹیوٹ آف نیورو سائنسز کے کتنے ملازمین میں ہوئی کرونا کی تشخیص؟
باغی ٹی وی کی رپورٹ کے مطابق پنجاب انسٹی ٹیوٹ آف نیورو سائنسز کے ایگزیکٹو ڈائریکٹر پروفیسر ڈاکٹر خالد محمود کا مریضوں اور ملازمین کو کورونا سے بچاؤ کیلئے خصوصی اقدامات، 50ملازمین کے کورونا ٹیسٹ کروائے گئے جن میں سے 2کا مثبت آنے پر انہیں فوری طور پر قرنطینہ کر دیا گیا
دونوں ملازمین کی حالت تسلی بخش ہے ان کی جلد صحت کی بحالی کیلئے مکمل خیال رکھا جائے گا جبکہ وائرس سے متاثرہ افراد کیلئے لفٹ اور آپریشن تھیٹر الگ کرنے کے علاوہ تھرمل گن سے سکریننگ لازمی قرار دینے کے ساتھ ساتھ انسٹیٹیوٹ میں بغیر ماسک کے کسی شخص کو داخلے کی اجازت نہیں ہوگی۔
پروفیسر ڈاکٹر خالد محمود نے بتایا کہ لاک ڈاؤن کے دنوں میں بھی مریضوں کا طبی معائنہ،داخلہ اور ایمرجنسی میں 24 گھنٹے آپریشنز کیے جا رہے ہیں اورپنجاب حکومت کی پالیسی کے تحت ڈاکٹرز،نرسز اور طبی عملے کو تمام حفاظتی اشیاء فراہم کی جا رہی ہیں اور اب تک 24ہزار سے زائد سرجیکل ماسک، 1127این 95ماسک،950حفاظتی کٹس،100عینکیں اور 13710گلووز مہیا کیے گئے ہیں۔ نیورو سرجری اور نیورالوجی آؤٹ ڈور میں روزانہ کی بنیاد پر 150مریضوں کو طبی سہولیات فراہم کی جا رہی ہیں اور کورونا وائرس سے متاثرہ مریضوں کیلئے جدید سہولتوں سے آراستہ آئسولیشن وارڈ اورآئی سی یو میں 24گھنٹے طبی عملہ چاق و چوبند ہے۔
کرونا وائرس، آئی ٹی سیکٹر میں بھی بڑے بحران کا خدشہ
سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ
احسن اقبال کا احساس پروگرام بارے جھوٹ، باغی ٹی وی نے کیا بے نقاب
کرونا ریلیف ٹائیگر فورس، کب سے شروع کرے گی کام؟ کتنی خواتین نے کروائی رجسٹریشن
غریب کو ابھی تک ایک روپیہ نہ ملا، ٹائیگر فورس کی شرٹس پر حکمران جماعت نے 45 کروڑ لگا دیئے
آنے والے دنوں میں لاک ڈاؤن میں بتدریج نرمی کی جائے گی، وزیراعظم کا اعلان
ایگزیکٹو ڈائریکٹر پروفیسر ڈاکٹر خالد محمود نے واضح کیا کہ وزیر اعلیٰ پنجاب سردار عثمان بزدار اور وزیر صحت ڈاکٹر یاسمین راشد کے احکامات کی روشنی میں بہتر سے بہتر طبی سہولیات کی فراہمی اور علاج معالجے کے لئے راؤنڈ دی کلاک سلسلہ جاری ہے جبکہ حکومت کے طے شدہ ایس او پیز پر عمل کرتے ہوئے سماجی فاصلہ برقرار رکھ کر نسٹی ٹیوٹ میں ذمہ داریاں ادا کی جا رہی ہیں تاکہ شہریوں کے ساتھ ساتھ فرنٹ لائن پر اپنے فرائض سر انجام دینے والے طبی عملے کو بھی کورونا وائرس سے محفوظ رکھا جا سکے۔ انہوں نے کہا کہ کورونا وبا کے خاتمے تک پینز انتظامیہ اور تمام سٹاف الرٹ رہے گا
بزدار کی زیرصدارت اجلاس میں کور کمانڈرلاہورشریک، کرونا مریضوں کی بڑھتی تعداد پر تشویش کا اظہار
