پنجاب میں کرونا سے ایک اور ہلاکت، مریضوں میں بھی اضافہ

پنجاب میں کرونا سے ایک اور ہلاکت، مریضوں میں بھی اضافہ

باغی ٹی وی کی رپورٹ کے مطابق کرونا وائرس سے پنجاب میں ایک اور مریض جان کی بازی ہار گیا جس سے پنجاب میں ہلاکتوں کی تعداد 4 اور پاکستان میں 10 ہو گئی

نجی ٹی وی کے مطابق چوتھی ہلاکت لاہور کے میو ہسپتال مین ہوئی، شیخوپورہ کا رہائشی 70 سالہ محمد حنیف کرونا کی تشخیص کے بعد ہسپتال میں زیر علاج تھا جس کی آج موت ہے، لاہور میں یہ تیسر ی اور پنجاب میں چوتھی ہلاکت ہے، قبل ازیں پنڈی میں بھی کرونا وائرس سے ایک ہلاکت ہو چکی ہے

دوسری جانب پنجاب میں کرونا وائرس کے مریضوں میں اضافہ ہو گیا ہے، پنجاب میں کورونا وائرس کے419 مریض ہیں، ترجمان پرائمری اینڈ سیکنڈری ہیلتھ کیئر کے مطابق ڈی جی خان سے207 ، ملتان 19،لاہورمیں 104 افراد میں وائرس کی تصدیق ہوئی ہے،ڈی جی خان میں2ڈاکٹروں سمیت 5افراد میں کورونا وائرس کی تصدیق ہوئی ہے،گجرات 22، گوجرانوالہ 8،جہلم 19 اور راولپنڈی میں 14،ملتان 3، فیصل آباد5، منڈی بہاوَالدین 3، نارووال،رحیم یارخان اور سرگودھامیں ایک ایک مریض میں کرونا کی تشخیص ہوئی ہے

میانوالی میں 2 ،اٹک اور بہاولنگر میں بھی ایک ایک مریض میں وائرس کی تصدیق ہوئی ہے،ننکانہ صاحب میں بھی کورونا وائرس کا ایک مریض سامنے آ یا،

پاکستان میں کرونا وائرس کے بڑھتے مریضوں کی وجہ سے احتیاطی تدابیر کے طور پر ملک میں کرفیو نافذ ہے، سندھ حکومت نے نماز جمعہ کے اجتماعات پر پابندی لگا دی ہے، نماز پنجگانہ میں بھی تین سے 5 افراد جماعت کے ساتھ نماز ادا کر سکتے ہیں،پنجاب میں کرفیو کا آج تیسرا روز ہے. سندھ میں کرفیو کا چوتھا روز ہے، بلوچستان حکومت نے بھی نماز جمعہ کے اجتماعات پر پابندی لگا دی ہے

برطانیہ میں کرونا سے مسلمان سب سے زیادہ متاثر، جنازوں کے اجتماع پر بھی پابندی

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

بھارت میں کرونا وائرس کے مریضوں میں اضافہ، کتنے مریض ہوئے صحتیاب

کرونا وائرس کا خدشہ، مساجد کو تالے لگ گئے، نمازیں گھر پر پڑھنے کا حکم

کورونا وائرس پر قابو پانے کیلئے ملک بھر میں لاک ڈاؤن جاری ہے، دکانیں اور مارکیٹیں آج بھی بند ہیں، پبلک ٹرانسپورٹ اور ٹرین آپریشن بھی معطل ہے، شہریوں کو گھروں سے نہ نکلنے کے حکم پر سختی سے عمل کرنے کی ہدایت کی گئی ہے۔