پنجاب میں لاک ڈاؤن کے حوالے سے توسیعی نوٹیفکیشن جاری کر دیا گیا
باغی ٹی وی : پنجاب میں لاک ڈاؤن کے حوالے سے توسیعی نوٹیفکیشن جاری کر دیا گیا ہے۔ پرائمری اینڈ سکینڈری ہیلتھ پنجاب کے مطابق نوٹیفکیشن کا اطلاق فی الفور ہوگا جو 15جولائی تک نافذ العمل رہے گا۔
سیکریڑی پرائمری اینڈ سکینڈری ہیلتھ کئیرکیپٹن (ر) محمد عثمان کے مطابق تعلیمی ادارے، شادی ہال، ریسٹورنٹ، پارک اور سینما ہالز بدستور بند رہیں گے۔ سماجی اور مذہبی اجتماعات، کھیل کی سرگرمیوں کے لیے اکٹھ کی اجازت نہیں ہو گی۔
تمام کاروباری مقامات صبح 9 سے شام 7 بجے تک، سوموار تا جمعہ کھلے رہیں گے۔ میڈیکل سٹور، پنکچر شاپ، آٹا چکی تندور، زرعی ورکشاپس 24 گھنٹے کھلی رکھنے کی اجازت ہوگی۔
کال سینٹرز کو 50 فیصد سٹاف کے ساتھ کھلا رکھنے جبکہ بین الاضلاع ٹرانسپورٹ 24 گھنٹے چلنے کی اجازت ہوگی۔ گروسری اور کریانہ سٹور صبح 9 سے شام 7 تک، ہفتہ بھر کھلے رہیں گے۔ تمام چرچ صرف اتوار کو صبح 7 سے شام 5 بجے تک عبادت کے لیے کھلے رہیں گے۔
واضحرہے کہ پنجاب میں کورونا وائرس کے723نئے کیس سامنے آئے ہیں جس کے بعد پنجاب میں مریضوں کی مجموعی تعداد 75,501 ہو گئی۔
لاہورمیں 301، ننکانہ 1،راولپنڈی 90،اٹک 2،چکوال 95اورگوجرانوالہ میں 70کیسز رپورٹ ہوئے۔ سیالکوٹ10،گجرات12، منڈی بہاؤالدین2،ملتان34، خانیوال4،وہاڑی1، فیصل آباد6،ٹوبہ7اور رحیم یار خان میں 5کیسز سامنے آئے۔ سرگودھا 17،میانوالی13،خوشاب7،بھکر4،بہاولنگر4،بہاولپور 7،لودھراں 1،، ڈیرہ غازی خان12، مظفرگڑھ9، اوکاڑہ1،ساہیوال3اور پاکپتن میں 5 کیسزسامنے آئے۔
ترجمان کے مطابق پنجاب میں کورونا وائرس سے 46 مزید اموات ہوئیں جس کے بعد اموات کی کل تعداد1727 ہو چکی ہیں۔ اب تک 493,225ٹیسٹ کیے جا چکے ہیں۔ کورونا وائرس کو شکست دینے والوں کی تعداد 27,147 ہو چکی ہے۔
