عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا ہے کہ اگست 2023 میں پنجاب حکومت نے بتایا تھا شیخ رشید کے خلاف کوئی کیس نہیں،
شیخ رشیدکا کہنا تھا کہ آج میرے خلاف عدالت میں دس مقدمات کی تفصیل جمع کرائی گئی،میری چھوٹی سی سیاست ہے حلقہ 56 اور 57 کی، بچپن سے یہ سوچ ہے سب کو ساتھ لیکر چلتا ہوں،اداروں کا احترام سب پر لازم ہے،ہم نے پنڈی کے دونوں حلقوں میں کام کیا ہے، چلے کے بعد کوئی ٹویٹ بھی نہیں،الیکشن نہیں ہوئے تو پرانی تنخواہ پر ہی کام کرینگے، ہمیں الیکشن کمشنر کے بیان پر یقین کرنا چاہئیے انہوں نے کہا ہے الیکشن 8 فروری کو ہونگے،
قبل ازیں لاہور ہائی کورٹ راولپنڈی بینچ،نو مئی کے مقدمات کی تفصیلات فراہم کرنے سے متعلق سابق وزیر داخلہ شیخ رشید کی درخواست پر سماعت ہوئی،کیس کی سماعت جسٹس چودھری عبدالعزیز نے کی۔پنجاب حکومت نے شیخ رشید سے متعلق دس مقدمات کی رپورت عدالت میں جمع کرادی۔جسٹس چودھری عبدالعزیز نے ریمارکس دیتے ہوئے کہا کہ عدالت مقدمات کی تفتیش میں کسی قسم کی مداخلت نہیں کرے گی، عدالت نے شیخ رشید کے وکیل سے استفسار کیا کہ کیا آپ چاہتے ہیں عدالت مقدمات کی تفتیش بھی کرے، وکیل شیخ رشید نے کہا کہ مقدمات کی جو رپورٹ پیش کی گئی ہے عدالت اسکی جانب پڑتال کرے، شیخ رشید کو چھ ماہ بعد نو مئی کے مقدمات میں کیسے نامزد کیا گیا،عدالت نے کہا کہ عدالت کے پاس شیخ رشید کے دس مقدمات کی تفصیل آگئی ہے جس کی کاپی آپکو فراہم کردی گئی ہے، عدالت نے کیس کی مزید سماعت ایک ہفتے تک ملتوی کردی
عمران خان کے حوالہ سے سوال پر شیخ رشید نے کوئی جواب نہیں دیا،
لال حویلی خالی کرانے کا نوٹس، شیخ رشید کو عدالت سے ریلیف مل گیا
اکیلی عورت لفٹ لے کر فرنٹ سیٹ پر کیسے بیٹھ گئی، عدالت کے ریمارکس
کٹاس راج مندر ازخودنوٹس کیس، سپریم کورٹ نے کس سے رپورٹ طلب کی؟ اہم خبر
الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف
