وزیراعظم عمران خان کی زیرصدارت وفاقی کابینہ کا اجلاس آج ہوگا –
باغی ٹی وی : اجلاس میں عیدمیلادالنبی صلی اللہ علیہ وآلہ وسلم پر قیدیوں کی سزا میں کمی کی منظوری متوقع ہے وزارت داخلہ نے چھوٹے جرائم میں ملوث قیدیوں کی سزا میں 90 روز کمی تجویز کی ہے سزا میں کمی کا اطلاق کرپشن، قتل اور ریپ کے ملزمان پر نہیں ہو گا۔
ٹی 20 کرکٹ: سرفراز احمد پاکستان کے کامیاب ترین کپتان بن گئے
اجلاس میں ملکی سیاسی و معاشی صورتحال کا جائزہ لیا جائے گا۔
وفاقی کابینہ کے اجلاس میں پنڈورہ پیپرز میں شامل پاکستانی شخصیات اور کمپنیوں کا معاملہ بھی زیر بحث آے گا ۔کابینہ پیپرز میں شامل افراد کے خلاف ممکنہ کارروائی پر بھی تبادلہ خیال ہوگا۔
نظام حکومت کے حوالے سے ہمارا ماڈل ریاست مدینہ ہے عمران خان
چیئرمین نیب کی تقرری سے متعلق بھی کابینہ ارکان سے مشاورت کی جائے گی کابینہ اجلاس میں سات نکاتی معمول کے ایجنڈے پر بھی غور ہوگا۔
کابینہ اقتصادی رابطہ کمیٹی اور کمیٹی برائے توانائی کے فیصلوں کی توثیق کرے گی کمیٹی برائے قانون سازی کے فیصلوں کی توثیق بھی ایجنڈے میں شامل ہے۔
ادویات کے ٹی وی، ریڈیو اور اخبارات میں اشتہارات دینے کی منظوری بھی ایجنڈے میں شامل ہے ڈرگز ریسرچ کے لیے کمیٹی کی نامزدگی بھی ایجنڈے کا حصہ ہے۔
