قومی کرکٹ آج دورہ انگلینڈ کے لیے روانہ ہوگی

قومی کرکٹ آج دورہ انگلینڈ کے لیے روانہ ہوگی

باغی ٹی وی : دورہ انگلینڈ کے لیے قومی کرکٹ ٹیم آج مانچسٹر روانہ ہو گی جس میں 20 کھلاڑی اور 11 آفیشلز شامل ہیں، متنازع ٹیسٹ رپورٹ کا شکار ہونے والے محمد حفیظ سمیت 6 کھلاڑیوں کی دوسری کورونا ٹیسٹنگ رپورٹ منفی آ گئی۔

انگینڈ روانگی سے قبل آج قومی ٹیم کو سخت سکیورٹی میں ائیرپورٹ پہنچایا گیا، کورونا ٹیسٹنگ کے بعد بابائے کرکٹ کے دیس روانہ ہونے والے کھلاڑیوں میں اظہر علی کپتان، بابر اعظم نائب کپتان، عابد علی، اسد شفیق، فواد عالم، امام الحق، نسیم شاہ، سرفراز احمد، شاہین آفریدی اور یاسر شاہ شامل ہیں۔

گیارہ رکنی ٹیم آفیشلزکا دستہ بھی چارٹرڈ طیارے میں سفر کرے گا، دوبارہ ٹیسٹنگ میں محمد حفیظ سمیت چھ کھلاڑیوں کی رپورٹ نیگٹیو آ گئی ہے۔

چیف ایگزیکٹو پی سی بی وسیم خان کا کہنا تھا کہ دوسراکورونا ٹیسٹ منفی آنے والے کھلاڑیوں میں حسنین ،شاداب، فخر زمان، محمد رضوان ،وہاب ریاض اور محمد حفیظ شامل ہیں، ان 6 کھلاڑیوں کا پہلا کورونا ٹیسٹ مثبت آیا تھا جب کہ کاشف بھٹی، حارث رؤف، حیدر علی اور عمران خان کا دوسرا ٹیسٹ بھی مثبت آیا ہے۔ چیف ایگزیکٹو پی سی بی نے بتایا کہ دوسرے ٹیسٹ کا نتیجہ منفی آنے کے باوجود یہ 6 کھلاڑی انگلینڈ نہیں جائیں گے
گذشتہ چوبیس گھنٹوں میں ملک بھر میں 25013 کورونا ٹیسٹ کئے گئے۔ ملک میں تاحال 12 لاکھ 39 ہزار 153 کورونا ٹیسٹ کئے جا چکے ہیں۔ ملک کے 768 اسپتالوں میں کورونا کے 5342 مریض زیرعلاج ہیں۔این سی او سی کے مطابق ملک بھر میں کورونا مریضوں کیلئے 1562 وینٹی لیٹرز مختص کئے گئے ہیں۔ ملک بھر میں کورونا کے 502 مریضوں کو وینٹی لیٹرز پر رکھا گیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.