قدرت کے عجوبے اور دلچسپ حقائق

ہفتے کے سات دن کیسے اور کیوں؟
ایک طلوع آفتاب سے اگلے طلوع کے درمیانی وقت کو دن کہا جاتا ہے مہینہ وہ وقت ہوتا ہے جو دوپورے چاند ہونے کے دوران گزرتا ہے پرانے زمانے میں لوگ اپنی زندگی کے معاملات کو منظم کرنے کے لئے وقت کا اسی طرح حساب رکھتے تھے انہیں وقت کے ایک ایسے پیمانے کی ضرورت تھے جو دن سے زیاہ اور مہینے سے کم ہو اس طرح بابل کے قدیم شہر میں سات دنوں کو یکجا کر کے ایک ہفتے کا نام دیا گیا

انڈے کی زردی کی اہمیت:
انڈے کا ہر حصہ چوزے کی افزائش کا مدد گا ثابت ہو تا ہے اور زرد حصے کو انڈے کی زردی یا بیضہ کہا جاتا ہے اس بیضے میں ایک چھوٹا سا نشان ہو تا ہے جس کو بروزی یا جینین کہا جاتا ہے بچہ یہیں سے بڑھنا شروع ہوتا ہے جب چوزہ بڑھنا شروع ہوتا ہے تووہ زردی اور سفیدی کو اپنی افزائش کے لئے استعمال کرتا ہے اس کے علاوہ سفیدی چھلکے کے اندر چوزے کو محفوظ رکھنے کے لئے نرم گدے کا کام کرتی ہے

گھڑی کی سوئیوں کی حرکت دائیں جانب ہی کیوں؟
پہلی گھڑی مصر میں ایجاد ہوئی اور وہ ایک دھوپ گھڑی تھی یعنی جو کہ پتھروں سے بنا ہوا ایک اونچا مسلم نامی چہار ستون تھا تو اس پر پڑنے والا سورج کا سایہ لوگوں کو بتاتا تھا کہ وقت کیا ہوا ہے سورج مشرق سے نکلتا ہے اور مغرب میں ڈوبتا ہے یہی وجہ ہے کہ جب پہلی میکانکی گھڑیاں بنائی گئیں تو ان کی سوئیاں بھی دائیں جانب حرکت کرتی ہوئی بنائیں گئیں