کانگریس کے سابق صدر راہول گاندھی نے مودی کی زبان بولناشروع کر دی ہے۔ اپنے تازہ ٹوئٹ میں گاندھی نے پاکستان کو تنقید کا نشانہ بناتے ہوئے کہا کہ جموں و کشمیر میں تشدد کا واقعہ پیش آیا ہے اور اس کے لیے پاکستان ذمہ دار ہے۔ یہ پوری دنیا جانتی ہے کہ پاکستان دہشت گردی کی حمایت کرنے والا ملک ہے اور یہ پاکستان کشمیر میں لوگوں کو مشتعل کرنے کے ساتھ ساتھ دہشت گردی کی حمایت کر رہا ہے۔“
جہاز میں کشمیریوں نے جو بتایا اسے سن کر پتھر بھی رو پڑے گا،راہول اور غلام نبی آزاد کی دہلی میں گفتگو
راہول گاندھی نے ایک دوسری ٹوئٹ میں یہ بھی لکھا کہ ”میں اس حکومت (مودی حکومت) سے کئی ایشوز پر اختلاف رکھتا ہوں۔ لیکن میں یہ پوری طرح واضح کر دینا چاہتا ہوں کہ کشمیر بھارت کا داخلی ایشو ہے اور اس میں مداخلت کی اجازت پاکستان یا کسی دوسرے ملک کو نہیں ہے۔“
یاد رہے کہ مودی حکومت نے اپوزیشن کے 12رکنی وفد کو جس میں راہول گاندھی بھی شامل تھے مقبوضہ کشمیر میں جانے نہیں دیا تھا اور وفد کو سری نگر ایئرپورٹ سے ہی واپس بھیج دیا تھا۔
دہلی پہنچنے پر راہول کا کہنا تھا کہ مجھے جموں کشمیر کے گورنر نے چند روز قبل دعوت دی تھی ہم کشمیریوں کو ملنا چاہتے تھے لیکن ائیر پورٹ سے نکلنے کی اجازت ہی نہیں دی گئی، اس سے واضح ہو گیا ہے کہ جموں و کشمیر میں حالات معمول پرنہیں ہیں.
جموں کشمیر کے سابق وزیراعلیٰ غلام نبی آزاد کا کہنا تھا کہ مجھے اپنے شہر میں جانے کی اجازت نہیں دی گئی، جموں کشمیر کے حالات انتہائی خراب ہیں،ہمارے جہاز میں موجود کشمیریوں نے جو بتایا اسے سن کر پتھر بھی رو پڑے گا۔
