fbpx

اداکار راجکمار راؤ شادی کے بندھن میں بندھ گئے

بالی ووڈ اداکار راج کمار راؤ اپنی قریبی دوست پترالیکھا سے شادی کے بندھن میں بندھ گئے-

باغی ٹی وی : بھارتی میڈیا رپورٹس کے مطابق اداکار راج کمار راؤ اور ان کی دوست پترالیکھا کی منگنی کی شاندار تقریب ہوئی جس کی تصاویر اور ویڈیو سوشل میڈیا پر وائرل ہورہی ہیں جب کہ ایک ویڈیو میں دونوں کو ایک دوسرے کو انگوٹھی پہناتے ہوئے بھی دیکھا جاسکتا ہے

اداکار راج کمار نے گزشتہ روز اپنی شادی کا دعوت نامہ بھی ٹوئٹر پر شیئر کیا جس کے مطابق ان کی شادی ریاست پنجاب اور ہریانہ کے دارالحکومت ’چندی گڑھ‘ کے پرتعیش مقام پر ہوئی –

مہمانوں کو شادی کا دعوت نامہ دیتے ہوئے لکھا گیا تھا کہ راؤ فیملی اور پال فیملی آپ کو اجیت پال اور پاپری پال کی بیٹی پترالیکھا، کملیش یادو اور ستیہ پرکاش یادو کے بیٹے کی شادی کی دعوت دیتے ہیں، جوکہ پیر 15 نومبر 2021 کو اوبرائے سکھ ولازچندی گڑھ میں ہے۔

رپورٹس کے مطابق راج کمار راؤ کی شادی میں بالی ووڈ کی معروف شخصیات سمیت قریبی دوستوں اور رشتہ داروں نے شرکت کی۔

دوسری جانب راج کمار راؤ کی اہلیہ نے بھی سماجی رابطئ کی ویب سائٹ انسٹاگرام پر لکھا ’’میں آج اس سے شادی کے بندھن میں بندھ گئی جو گزشتہ 11 سال سے میرے لیے سب کچھ ہے، میرا دوست، میرا کرائم پاٹنر اور میری فیملی بھی ہے‘‘۔

اس سے قبل بھارتی میڈیا نے بتایا تھا کہ، راجکمار راؤ اور پترلیکھا کی شادی کی شاندار تقریبات چندی گڑھ کے اوبرائے سکھ ولاس سپا ریزورٹ میں ہوں گی، اس ریزورٹ کی ایک رات کے لیے بکنگ کی قیمت 6 لاکھ بھارتی روپے ہے۔

اس شاندار ریزورٹ کی ویب سائٹ کے مطابق، شادی کا یہ مقام ہمالیہ کے دامن میں واقع ہے اور سیسوان فاریسٹ رینج میں 8,000 ایکڑ زمین پر پھیلا ہوا ہے اس ریزورٹ کے ارد گرد واقع جنگل میں دیگر سہولیات جیسےکہ صحت، پولز، موسمی کھانے، اور دیگر تفریحی سرگرمیاں بھی فراہم کی جاتی ہیں ناصرف یہ بلکہ شاندار شادی کا یہ مقام مختلف قیمتوں میں چار الگ الگ قسم کے کمروں کی سہولیات فراہم کرتا ہےاور کوہ نور، سب سے زیادہ شاہانہ ہےجس کی ایک رات کی بکنگ کی قیمت تقریباً 6 لاکھ بھارتی روپے ہے۔

واضح رہے اداکار راج کمار راؤ ’شادی میں ضرور آنا‘، ’استری‘، ’بریلی کی برفی‘، ’نیوٹن‘، ’لڈو‘،’میڈ ان چائنہ‘ جیسی کامیاب فلمیں کرچکے ہیں-

Facebook Notice for EU! You need to login to view and post FB Comments!