گرانٹ فلاور نمک حرام نکلا ، جس تھالی میں کھایا ،اسی میں چھید کیا، رمیز راجہ غصے میں‌آگئے

کراچی: گرانٹ فلاور نمک حرام نکلا ، جس تھالی میں کھایا اسی میں‌چھید کیا ، پاکستان کرکٹ ٹیم کے سابق کپتان اور کمنٹیٹررمیز راجہ کی طرف سے سابق بیٹنگ کوچ گرانٹ فلاور کے بیان پر شدید تنقیدسامنے آئی ہے۔

ذرا ئع کے مطابق سوشل میڈیا ویب سائٹ پر اپنے وڈیو بیان میں انہوں نے کہا کہ رمیز راجہ نے کہاہے کہ برطرفی کے بعد گرانٹ فلاور کو یہ نہیں کہنا چاہئے تھا کہ پاکستان میں سیکیورٹی خدشات کی وجہ سے انہیں گھومنے پھرنے کی آزادی نہیں تھی۔

گرانٹ فلاور کے متعصبانہ رویے پر دکھ کا اظہار کرتے ہوئے سابق کپتان رمیز راجہ نے کہا کہ وہ6 سال تک قومی ٹیم کے بیٹنگ کوچ رہے ،اسکے باوجود انہوں نے جس تھالی میں کھایا ،اسی میں چھید کیا۔انہوں نے مزید کہا کہ گرانٹ فلاور نے پاکستان میں 3مرتبہ ہیئر ٹرانسپلانٹ کرایا، مختلف مقامات پر بل بورڈز میں قومی ٹیم کے ساتھ ان کی تصاویر لگی تھیں۔