رمضان ماہ مبارک، پہلا روزہ ہی شہباز شریف کو خوشخبری دے سکتا ہے؟
باغی ٹی وی کی رپورٹ کے مطابق لاہور ہائیکورٹ میں قومی اسمبلی میں قائد حزب اختلاف شہباز شریف کی ضمانت کی درخواست پر سماعت جاری ہے لاہور ہائیکور ٹ کے جج جسٹس سردار سرفراز ڈوگر اور جسٹس اسجد جاوید گھرال نے منی لانڈرنگ کیس میں میاں محمد شہباز شریف کی درخواست ضمانت پر سماعت کی ،
لاہور ہائیکورٹ میں نیب پراسیکیوٹر فیصل بخاری نے دلائل دیئے،اور کہا کہ شہباز شریف نے 1990 میں 14.865ملین کے اثاثے ڈکلیئر کیے، شہباز شریف نے2009 میں اپنی جائیداد تقسیم کی،جائیداد کی تقسیم کے وقت رمضان شوگر مل شہباز شریف کے حصے میں آئی، چودھری شوگر مل نواز شریف اور عباس شریف کے حصے میں آئی، 2018میں شہباز شریف خاندان کے اثاثے 7 ارب 32 کروڑ کے ہو گئے، شہباز شریف کے 9 بے نامی دار ہیں جنکے نام پر اثاثے بنائے گئے،شہباز شریف کہتے ہیں کہ انہیں 124 ملین کا منافع آیا لیکن کاروبار کیا تھا یہ نہیں بتایا شہباز شریف کی ایگریکلچر سے جو آمدن ہوئی وہ انہوں نے نہیں بتائی،وکیل شہباز شریف نے کہا کہ ان تمام دلائل کا اس سے تعلق نہیں ہے، نیب پراسیکیوٹر نے کہا کہ نصرت شہباز نے ٹی ٹیز سے کمپنی بنائی جس کی ڈائریکٹر بنیں، عدالت نے کہا کہ یہ تو آپ بے نامی دار کا بتا رہے ہیں شہباز شریف کا بتائیں ،
آج صدر مسلم لیگ نون میاں شہباز شریف کی درخواست ضمانت پر لاہور ہائی کورٹ میں سماعت کے موقع پر مریم اورنگزیب ترجمان پاکستان مسلم لیگ نون اور عطاءاللہ تارڑ ڈپٹی سیکرٹری جنرل پاکستان مسلم لیگ نون ہائیکورٹ میں موجود تھے،ن لیگی کارکنان بھی موجود تھے
شہباز شریف نے لاہور ہائیکورٹ میں ضمانت کی درخواست دائر کی تھی،درخواست میں موقف اختیار کیا گیا ہے کہ منی لانڈرنگ کا ریفرنس دائر ہو چکا ہے اور ٹرائل جاری ہے ،کوئی ٹرانزیکشن شہباز شریف کے نام پر نہیں ہے۔ شہباز شریف کی جانب سے کہا گیا کہ کئی ماہ سے جیل میں قید ہوں، تمام ریکارڈ نیب کے پاس ہے،نیب نے ریکوری نہیں کرنی، عدالت ضمانت پر رہائی کا حکم دے ۔
شہباز شریف نے قانونی ٹیم کو ضمانت کا ڈرافٹ تیار کرنے کی ہدایت کی تھی ،اعظم نذیر تارڑ، احسن بھون، امجد پرویز اورمحمد نواز ضمانت کا ڈرافٹ تیارکیا درخواست ضمانت میں میڈیکل گراؤنڈز بھی شامل کی گئیں
شہباز شریف بیٹی کے ہمراہ عدالت میں پیش، حمزہ شہباز جیل میں ہوئے بیمار
جج صاحب،میں آج عدالت میں یہ چیز لے کر آیا ہوں،عدالت نے شہباز شریف کو دیا کھرا جواب
شہباز شریف عدالت پہنچ گئے،نیب کی شہباز شریف کی ضمانت کی درخواست مسترد کرنے کی استدعا
شہباز شریف کی ممکنہ گرفتاری، سی سی پی او لاہور ہائیکورٹ پہنچ گئے، اہم حکم دے دیا
شہبازشریف خاندان کے خلاف منی لانڈرنگ ریفرنس،تحریری حکم نامہ جاری
شہباز شریف کو بکتر بند گاڑی میں عدالت پیش کرنے پر تحریری حکم جاری
شہباز شریف خاندان کے کتنے افراد اشتہاری قرار دے دیئے گئے؟
شہباز شریف کا عدالت پیشی کے موقع پر کس شخصیت سے ہوا ٹیلی فونک رابطہ؟
شہباز شریف کی جیل میں طبیعت ناساز، 8 رکنی میڈیکل بورڈ جیل پہنچ گیا
سینیٹ انتخابات، شہباز شریف سے کون کونسی اہم شخصیات ملنے پہنچ گئیں؟
واضح رہے کہ شہباز شریف کو نیب نے ضمانت کی درخواست مسترد ہونے پر گرفتار کیا تھا، عدالت نے انہیں جوڈیشل ریمانڈ پر بھیج دیا تھا ، شہباز شریف کو عدالت میں بکتر بند گاڑی میں پیش کیا جاتا ہے جس پر ن لیگ نے احتجاج کیا تھا،
