سابق وزیر داخلہ رحمان ملک کورونا کا شکار ہوگئے

سابق وزیر داخلہ رحمان ملک کورونا کا شکار ہوگئے جس کے بعد انہیں وینٹی لیٹر پر منتقل کردیا گیا ہے۔

باغی ٹی وی : ذرائع کے مطابق سابق وزیرداخلہ رحمان ملک کورونا میں مبتلا ہوگئے ہیں اور ان کے پھیپھڑے کورونا وائرس سے شدید متاثر ہیں جس کی وجہ سے انہیں وینٹی لیٹر پر منتقل کردیا گیا ہے جہاں انہیں مصنوعی تنفس سے سانس دی جارہی ہے۔

جہانگیر ترین بھی کرونا کا شکار

وزیراعظم کے مشیر برائے پارلیمانی امور ڈاکٹر بابر اعوان سابق وزیر داخلہ رحمان ملک کی عیادت کے لئے اسپتال پہنچے جہاں انہوں نے رحمان ملک کی جلد صحت یابی کیلئے دعا کی رحمن ملک کے اہل خانہ اور بھائی کو ہر قسم کے تعاون کی یقین دہانی کرادی۔

قبل ازیں جہانگیر ترین اور ان کی اہلیہ کا بھی کورونا ٹیسٹ مثبت آیا تھا جہانگیر ترین نے بخاز ،کھانسی کی شکایت پر کرونا ٹیسٹ کروایا تو وہ مثبت آیا،جہانگیر ترین نے عوام سے دعائے صحت کی اپیل کی ہے .جہانگیر ترین کے ترجمان کا کہنا تھا کہ جہانگیر ترین اور ان کی اہلیہ کی طبیعت بہتر ہے،

کوویڈ ویکسین کی معیاد ختم ہونے سے متعلق تمام خبریں جھوٹی ہیں،جھوٹوں کے خلاف…

سینیٹر مشاہد حسین سید بھی کورونا میں مبتلا ہوگئے تھے مشاہد حسین نے کورونا ٹیسٹ مثبت آنے کے بعد خود کو قرنطینہ کرلیا .چیئرمین سینیٹ صادق سنجرانی نے کہا تھا کہ مشاہد حسین کو کورونا ہو گیا ہے، مشاہد حسین کی جلد صحتیابی کے لیے سب دعا کریں،

قبل ازیں گزشتہ روز وفاقی وزیر برائے منصوبہ بندی، ترقی و اصلاحات خسرو بختیار کی کورونا رپورٹ مثبت آ گئی تھی، اس سے قبل صدر مملکت ڈاکٹر عارف علوی، شہباز شریف، وزیر تعلیم شفقت محمود ،شیریں مزاری سمیت اہم شخصیات کرونا کا شکار ہو چکی ہیں-

دوسری جانب این سی او سی نے کرونا کے پھیلاؤ کو روکنے کے لئے ہدایات جاری کی ہیں، این سی او سی کے مطابق کرونا کے پھیلاؤ کو روکنے اور صحت کے شعبے پر دباؤ کم کرنے کے لیے یہ گائیڈ لائنز مؤثر ثابت ہوں گی لہٰذا ایسے افراد جن کا درجہ حرارت 37 اعشاریہ 5 سینٹی گریڈ یا زائد ہو ، ان کا کورونا ٹیسٹ مثبت ہو اور وہ گائیڈ لائنز پر عمل پیرا ہوں ،این سی او سی کی جانب سے کہا گیا کہ کرونا کے مریض اور علامات کا شکار افراد پانچ دن قرنطینہ کریں کورونا میں مبتلا افراد گھر سے نکلنے میں گریز کریں اور دوسروں سے جتنا ممکن ہو فاصلہ رکھیں بیمار ہوں تو گھر پر رہیں اور ڈاکٹر سے فون پر بات کریں فون یا ای میل کے ذریعے دوسروں کے ساتھ رابطے میں رہیں-

کورونا اور نزلے پر قابو پانے کے لئے کیپسول تیار

بخار ،کھانسی ، سانس لینے میں دشواری ہو تو ڈاکٹرکو لازمی بتائیں ، سینے میں مسلسل درد، ہونٹ یا چہرہ نیلا ہو تو ڈاکٹر سے رجوع کریں ، بیمار شخص گھر میں دوسروں سے فاصلہ برقرار رکھتے ہوئے الگ کمرے میں رہے گھر میں رہتے ہوئے کئی ہفتوں کی ادویات اور سامان تک رسائی کو ممکن بنایا جائے جبکہ بیمار کی تیمارداری کرنے والے افراد غیر ضروری مہمانوں سے اجتناب کریں، بیمار شخص اور اس کا خیال رکھنے والے افراد ماسک کا استعمال کریں کرونا مریض کو کھانا کمرے میں دیا جائے بہتر ہے مریض سے رابطہ ہونے کی صورت میں پانچواں دن کورونا ٹیسٹ کروائیں جبکہ غیر ویکسین شدہ 6 ماہ ویکسین مکمل ہوئے اور بغیر بوسٹر والے افراد کورونا مریض سے ملنے کی صورت میں دس دن قرنطینہ کریں ، بوسٹر شدہ شخص کو مریض سے رابطے پر قرنطینہ کی ضرورت نہیں تاہم دس دن ماسک کا استعمال کریں-

اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام…