رہائی کے بعد آصف زرداری کے لئے وی آئی پی کمرہ تیار، سٹاف بھی مقرر،مگر کہاں؟
باغی ٹی وی کی رپورٹ کے مطابق سابق صدر آصف زرداری کو رہا کر دیا گیا ہے، آصف زرداری آج ہی کراچی منتقل ہو جائیں گے، آصف زرداری کیلئے ضیاالدین اسپتال میں وی آئی پی روم تیارکر لیا گیا ہے ،آصف زرداری کےعلاج کیلئے خصوصی اسٹاف بھی مقرر کر دیا گیا ہے،
آصف زرداری کے ٹیسٹ کے بعدمعالج کاتعین ہوگا، اسپتال پہنچنےپرآصف زرداری کےمختلف ٹیسٹ ہوں گے،آصف زرداری کوکمراورریڑھ کی ہڈی میں دردکی شکایات ہیں
واضح رہے کہ آصف زرداری منی لانڈرنگ اور پارک لین ریفرنسز میں 6 ماہ اور 2 دن زیرحراست رہے۔ پمز میں زیر علاج رہے ،جیل حکام کی جانب سے پمز کو سب جیل قرار دیا گیا تھا، آصف زرداری کی رہائی ہسپتال سے ہوئی،
آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی
جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ
سابق صدر آصف زرداری کو نیب نے اسلام آباد ہائیکورٹ سے ضمانت کی درخواست مسترد ہونے پر گرفتار کیا تھا، آصف زرداری کی ہمشیرہ کو بھی گرفتار کیا گیا تھا ، وہ جوڈیشل ریمانڈ پر جیل میں ہیں،نیب کے مطابق آصف زرداری اورفریال تالپورپرسمٹ بینک میں خوردبردکا الزام ہے،ملزمان پرمختلف کمپنیوں کوغیرقانونی طور پر فنڈز جاری کرنے کا بھی الزام ہے، ریفرنس میں 24 ملزمان نامزد کئے گئے ہیں، نیب نے اسلام آباد کی احتساب عدالت میں ریفرنس دائر کیا ہے.ملزمان پر 2150 ملین روپے کی رقم غیرقانونی طورپرمنتقل کرنے کاالزام ہے
جعلی بینک اکاونٹس کیس کے بارے میں تحقیقات سپریم کورٹ کے حکم پر شروع ہوئیں. ڈپٹی پراسیکیوٹر جنرل نیب سردار مظفر عباسی کی جانب سے اسلام آباد ہائی کورٹ میں جمع کروائی گئی رپورٹ کے مطابق آصف زرداری کے خلاف دو ریفرنسز دائر کئے جا چکے ہیں جبکہ چھ ریفرنسز میں تحقیقات چل رہی ہیں. نیب رپورٹ میں بتایا گیا کہ جعلی بینک اکاؤنٹس کیس سے متعلق مجموعی طور پر 26 انکوائریز اور انوسٹی گیشنز جاری ہیں
