روضہ رسول پر حاضری کے بعد وزیراعظم کہاں پہنچ گئے؟ اہم خبر
باغی ٹی وی کی رپورٹ کے مطابق وزیراعظم پاکستان عمران خان ایک روزہ دورہ کے دوسرے مرحلے میں ہفتہ کو سعودی عرب کے دارا لحکومت ریاض پہنچ گئے۔ رائل ٹرمینل پر ریاض کے گورنر شہزادہ فیصل بن بندر بن عبدالعزیز اور پاکستان کے سفیر راجہ علی اعجاز نے استقبال کیا۔ سعودی حکام اور پاکستانی سفارت خانے کے افسران بھی استقبال کیلئے موجود تھے۔ سیکرٹری خارجہ سہیل محمود بھی وزیر اعظم کے ہمراہ ہیں۔وزیر اعظم سعودی فرمانروا شاہ سلمان بن عبدالعزیز سے ملاقات کرینگے.
سعودی عرب میں پاکستان کے سفیر نواف بن سعید المالکی بھی وزیراعظم عمران خان کے ہمراہ تھے
قبل ازیں وزیراعظم عمران خان نے روضہ رسول پر حاضری دی ، نوافل ادا کئے اور ملک اور قوم کی ترقی اور سلامتی کے لئے دعا کی۔ وزیر اعظم آفس کے میڈیا ونگ کے مطابق وزیر اعظم عمران خان روضہ رسول پر حاضری اور نوافل ادا کرنے کے بعد اپنی سرکاری مصروفیات کے لئے ریاض روانہ ہوئے،
قبل ازیں سعودی عرب کے ایک روزہ اپنے دورے کے پہلے مرحلہ میں وزیر اعظم عمران خان رائل ٹرمینل پہنچے جہاں مدینہ کے ڈپٹی گورنر وحیب السہلی اور جدہ میں پاکستان کے قونصل جنرل خالد مجید نے ان کا گرم جوشی کے ساتھ استقبال کیا۔ سعودی پروٹوکول کے حکام اورپاکستان قونصلیٹ کے افسران بھی استقبال کیلئے موجود تھے۔ سیکرٹری خارجہ سہیل محمود بھی وفد میں شامل ہیں
وزیراعظم عمران خان سعودی فرمانروا شاہ سلمان بن عبدالعزیز اور ولی عہد محمد بن سلمان سے ملاقات کریں گے۔
وزیر اعظم سعودی قیادت سے ملاقات میں پاک سعودیہ تعلقات کے فروغ سمیت دونوں ممالک کے مابین مختلف معاہدوں پر بھی بات کریں گے، وزیر اعظم روضہ رسولؐ پر حاضری بھی دیں گے۔ وزیراعظم عمران خان سعودی عرب میں پاکستانی کمیونٹی سے بھی ملاقات کریں گے.
رواں برس اکتوبر میں بھی وزیراعظم نے سعودی عرب کا دورہ کیا تھا۔ ترجمان دفتر خارجہ نے کہاکہ وزیراعظم کا دورہ سعودی عرب پاکستان اور سعودی قیادت کے درمیان رابطوں کے سلسلے کی کڑی ہے۔
عمرہ کرنے والوں کو سعودی حکومت نے سنائی خوشخبری، پاکستانیوں کا دیرینہ مطالبہ ہوا پورا
تیل تنصیبات حملوں میں ایران ملوث ،سعودی عرب نے دکھائے ثبوت
واضح رہے کہ وزیراعظم عمران خان جنرل اسمبلی اجلاس میں جانے سے قبل بھی سعودی عرب گئے تھے جہاں ان کی سعودی حکام سے ملاقاتیں ہوئی تھیں، سعودی ولی عہد نے وزیراعظم عمران خان کو امریکہ جانے کے لئے اپنا خصوصی طیارہ بھی دیا تھا، وزیراعظم عمران خان سعودی عرب کے چار دورے کر چکے ہیں اب یہ ان کا پانچواں دورہ ہو گا.
پاک سعودی تعلقات ایک نئی سطح پر پہنچ گئے،کشمیر پر دنیا نے ہمارا بیانیہ مان لیا،وزیراعظم
سعودی عرب اور ایران کے درمیان تصفیہ کون کروا سکتا ہے؟ صدر مملکت بول پڑے
وزیراعظم عمران خان کا سعودی ولی عہد سے رابطہ، تیل تنصیبات پر حملوں کی مذمت
وزیراعظم عمران خان نے وزارت عظمیٰ کا حلف اٹھانے کے بعد بھی سب سے پہلے سعودی عرب کا دورہ کیا تھا، سعودی ولی عہد محمد بن سلمان بھی پاکستان کے دورے پر آئے تھے.
