![](https://baaghitv.com/wp-content/uploads/2021/04/WhatsApp-Image-2021-04-21-at-9.30.36-AM.jpeg)
پاکستان شوبز کی معروف ماڈل و اداکارہ صدف کنول نے اپنے شوہر اور ناموراداکار شہروز سبزواری پر شوبز انڈسٹری کی ایک نامور اداکارہ کے ساتھ کام کرنے پر پابندی لگا دی ہے۔
باغی ٹی وی : شہروز سبزواری اور صدف کنول نے ایک نجی چینل کے ٹاک شو دی کپل شو میں بطور مہمان شرکت کی جس میں میزبان حنا الطاف اور آغا علی نے جوڑی سے دلچسپ سوالات کیے گئے جس کے دونوں ہی کی جانب سے خوشگوار موڈ میں جواب دیئے گئے۔
شو کی میزبان، معروف اداکارہ حنا الطاف کی جانب سے صدف کنول سے سوال کیا گیا کہ پاکستان کی شوبز انڈسٹری میں ایسی کون سی اداکارہ ہیں جس کے ساتھ وہ شہروز سبزواری کو کام کرنے سےمنع کریں گیں؟
اس دوران صدف کنول کو اداکارائیں منتخب کرنے کے لیے آپشن بھی دیئے گئے جس میں اداکارہ رمشا خان، علیزے شاہ اور حبا بخاری کا نام شامل تھا۔
اداکارہ و سپر ماڈل صدف کنول کی جانب سے پہلے پوچھا گیا کہ یہ حبا بخاری کون ہے؟
جس پر شو کی میزبان کی جانب سے اُنہیں حبا بخاری کا جیو انٹرٹینمنٹ پر نشر ہونے والا سپر ہٹ ڈرامہ ’دیوانگی‘ یاد دلایا گیا۔
اس پر صدف کنول کا کہنا تھا کہ حبا بخاری بہت پیاری لڑکی ہیں۔
تاہم بعد ازاں میزبان کے سوال کا جواب دیتے ہوئے صدف کنول کا کہنا تھا ہ وہ اپنے شوہر شہروز سبزواری کو اداکارہ علیزے شاہ کے ہمراہ کام کرنے کی اجازت نہیں دیں گی۔