سلمان شہباز،ملک مقصود اور طاہر نقوی کے ناقابل ضمانت وارنٹ گرفتاری جاری

عدالت نے سلمان شہباز ، ملک مقصود اور طاہر نقوی کے ناقابل ضمانت وارنٹ گرفتاری جاری کر دیئے-

باغی ٹی وی : عدالت نے آئندہ سماعت پر متعلقہ پولیس سے وارنٹس پر عمل درآمد رپورٹ طلب کر لی، سپیشل جج سینٹرل اعجاز حسن اعوان نے گزشتہ سماعت کا تحریری فیصلہ جاری کر دیا-

عدالت نے ریمارکس دیئے کہ پولیس نے تینوں مفرور ملزمان کے ایڈریس اور ولدیت سے متعلق ضمنی چالان جمع کروایا اسپیشل سینٹرل کورٹ نے کہا کہ پہلے جمع کروائے گئے چالان میں ملزمان کے کوائف درست نہیں تھے ،متعلقہ ایس ایچ او ذاتی حیثیت میں پیش ہو کر وارنٹس پر عمل درآمد رپورٹ ییش کرے-

اسپیشل سینٹرل کورٹ میں ایف آئی اے منی لانڈرنگ کیس کی سماعت 11 جون تک ملتوی کر دی-