صدرمملکت عارف علوی کی اہلیہ ثمینہ علوی کا کورونا ٹیسٹ مثبت آگیا ہے۔

باغی ٹی وی : تفصیلات کے مطابق سماجی رابطے کی ویب سائٹ ٹوئٹر پر ثمینہ علوی نے اپنے پیغام میں بتایا کہ ایک دن پہلے میرا کورونا ٹیسٹ مثبت آیا۔ کورونا کے باعث کمزوری محسوس کررہی ہوں۔ قوم سے دعاؤں میں یاد رکھنے کی درخواست ہے انہوں نے خود کو قرنطینہ کرلیا ہے۔

I was tested positive for covid, day before. I have a little bit of weakness but Alhamdulillah doing well otherwise. Request all to keep me in your prayers please.
Thank you.

— Samina Alvi (@Saminalvi) September 23, 2021

خیال رہے کہ مارچ2021 میں صدر پاکستان کا کورونا ٹیسٹ بھی مثبت آیا تھا۔ اس سے قبل وزیر اعظم عمران خان کا کورونا ٹیسٹ بھی مثبت آ گیا تھا۔ وزیر اعظم عمران خان نے خود کو گھر میں قرنطینہ کر لیا ہے۔

ملک بھر میں کورونا سے مز ید 58 اموات،2 ہزار357نئے کیسز رپورٹ

پاکستان میں کورونا وائرس سے گزشتہ 24 گھنٹوں کے دوران مزید 58 افراد جاں بحق ہوگئےہیں نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 48ہزار 151کورونا ٹیسٹ کیے گئے مزید2 ہزار357 کورونا کیسز رپورٹ ہوئے۔

این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ32ہزار595 جبکہ مجموعی اموات کی تعداد 27 ہزار432 ہو گئی اور مثبت کیسز کی شرح 4.89 فیصد رہی۔

سندھ میں کورونا کے کیسز کی تعداد 4 لاکھ 53 ہزار51، خیبر پختونخوا میں ایک لاکھ 72 ہزار 210، پنجاب میں 4 لاکھ 25 ہزار703، اسلام آباد میں ایک لاکھ 4 ہزار619، بلوچستان میں 32 ہزار812، آزاد کشمیر میں 33 ہزار 923اور گلگت بلتستان میں 10 ہزار 277 ہو گئی ہے۔

’فیل طلبہ کے حوالے سے فیڈرل بورڈ کے طلبہ کی پروموشن پالیسی جاری

کورونا کے سبب سب سے زیادہ اموات پنجاب میں ہوئی ہیں جہاں 12 ہزار 490 افراد جان کی بازی ہار چکے ہیں جبکہ سندھ میں 7 ہزار310، خیبرپختونخوا 5 ہزار463، اسلام آباد 907، گلگت بلتستان 183، بلوچستان میں 345 اور آزاد کشمیر میں 7 34 افراد جان کی بازی ہار چکے ہیں۔