پاکستان شوبز انڈسٹری کی معورف اور خوبرو اداکارہ سارہ علی خان نے فلموں کا حصہ نہ بننے کی وجہ بتاتے ہوئے کہا کہ ان کچھ اصول ہیں جو وہ کبھی بھی نہیں توڑنا چاہتی ہیں۔

باغی ٹی وی :پاکستان کی خوبصورت اداکارہ سارہ علی خان شوبز انڈسٹری کا ایک بڑا نام ہیں اپنی اداکاری اور خوبصورتی کے باعث مداح ان کے دیوانے ہیں اورانڈسٹری میں تنازعات سے دور رہتی ہیں –

سارہ علی خان سے ایک ٹی وی شوکے دوران ان سے ڈراموں میں کامیابی کے بعد اب تک فلموں میں کام نہ کرنے کی وجہ پوچھی گئی جس پرانہوں نے کہا کہ کام کرنے سے متعلق ان کے کچھ اصول ہیں جو وہ کبھی بھی نہیں توڑنا چاہتی ہیں۔

اداکارہ نے کہا انہیں فلموں کی آفربھی ہوئی تھی لیکن آفرانہوں نے ٹھکرادی کیونکہ وہ غیراخلاقی مناظرعکس بند نہیں کراسکتی ہیں اورنہ ہی مختصرکپڑے پہن سکتی ہیں جوان کے واضح اصول ہیں جو وہ کبھی نہیں توڑیں گی۔

واضح رہے کہ اداکارہ نے ’دیوار شب، میرے بے وفا، تمہارے ہیں، تم میرے ہو، استانی جی، میرے ہمدم‘ سمیت متعدد ڈراموں میں کام کیا ہے۔

یاد رہے کہ ان سے قبل ایک انٹر ویو کے دوران پاکستان کی صف اول کی اداکارہ ماہر خان نے بھی آئٹم نمبر کرنے اور مختصر کپڑے پہننے سے متعلق اپنے خیالات کا اظہار کیا تھا-

ان کا کہنا تھا کہ پاکستان ایک واحد ملک ہے جہاں آپ جتنے زیادہ کپڑے پہنیں گے وہاں آپ کو اتنی زیادہ عزت ملے گی پاکستان میں آپ کو عزت حاصل کرنے کے لیے آئٹم نمبر کرنے کی ضرورت نہیں ہے- آپ کو اس وقت عزت ملتی ہے جب آپ مکمل لباس میں ہوں اور اتنی ہی آپ کی واہ واہ ہوتی ہے۔ ہوسکتا ہے کہ یہ ڈبل اسٹینڈرڈ ہو لیکن یہی حقیقت ہے۔

پاکستان میں آپ کو عزت حاصل کرنے کے لیے آئٹم نمبر کرنے کی ضرورت نہیں ہے ہ ایک واحد ملک ہے جہاں آپ جتنے زیادہ کپڑے پہنیں گے وہاں آپ کو اتنی زیادہ عزت ملے گی ماہرہ خان