سارہ کا کرینہ کپور خان کوآنٹی کہنے پر سیف علی خان کا حیران کن رد عمل

بالی وڈ اداکار سیف علی خان کی بیٹی سارہ علی خان کا کرینہ کپور خان کو آنٹی کہہ کر بلانے پر سارہ کے والد سیف علی نے حیران کن رد عمل دیا-

باغی ٹی وی : بھارتی میڈیا رپورٹس کے مطابق سیف علی خان اورامرتا سنگھ کی بیٹی سارہ علی خان کے لیے وہ لمحہ مشکل تھا کہ وہ اپنے والد کی دوسری بیوی و اداکارہ کرینہ کپورخان کوکیا کہہ کر بلائیں۔

سارہ علی خان کے کرینہ کپور کے ساتھ بہت اچھا رشتہ ہے۔ کرینہ سارہ کے والد سیف کی دوسری بیوی ہیں لیکن ان دونوں اداکاراؤں کے درمیان اچھے تعلقات ہیں۔ دونوں ایک دوسرے کی بہت حمایت کرتی ہیں اور اکثر شوز یا ایونٹس میں ایک دوسرے کی تعریف کرتی نظر آتی ہیں۔

دراصل ،شو کافی ود کرن میں ، کرن جوہر نے سارہ سے پوچھا تھا کہ کیا سیف نے کبھی کرینہ کو چھوٹی ماں کہنے کو کہا ہے؟

جواب میں سارہ علی خان کا کہنا تھا کہ کرینہ کپورخان نے خود اس بات پرکہا تھا کہ تمہاری ماں موجود ہے تومیں اورتم ایک دوست کی طرح رہ سکتے ہیں۔

بالی وڈ اداکارہ ہیما مالنی کی بیٹی کے ہاں جڑواں بیٹیوں کی پیدائش

سارہ نے کہا کہ ان کے والد سیف علی خان نے بھی دوسری ماں سے متعلق کبھی کچھ نہیں کہا۔ جس پرشو کے میزبان کرن جوہر نے کہا کہ وہ کرینہ کو”چھوٹی ماں” بھی کہہ سکتی تھیں جس پرسارہ نے ہنستے ہوئے کہا کہ شاید کرینہ کو اچھا نہیں لگتا۔

ساتھ ساتھ سارہ نے یہ بھی بتایا کہ شروع میں وہ اس متعلق خاصا کشمکش کا شکارتھیں کہ میں کرینہ کو کیا کہوں گی؟ کیا میں کرینہ کو "آنٹی "کہوں گی جس پروالد سیف علی خان نے کہا تھا کہ نہیں نہیں مجھے معلوم ہے کہ تم کرینہ کو آنٹی کہنا نہیں چاہوگی۔ جس کے بعد اداکارہ نے بتایا کہ کرینہ کویا تو وہ کرینہ یا صرف "کے” پکارتی ہیں۔

بھارتی اداکارہ راہول رائے دماغی فالج کے باعث ہاسپٹل منتقل

سارہ کی پیشہ ورانہ زندگی کے بارے میں بات کریں توحال ہی میں ان کی فلم کُلی نمبر 1 کا ٹریلر جاری کیا گیا ہے۔ فلم میں سارہ کے ساتھ ورون دھون نے کام کیا ہے۔ ٹریلر کو بے حد پسند کیا جارہا ہے۔ فلم کی ہدایت کاری ورون کے والد ڈیوڈ دھون نے کی ہے۔ فلم گووندا اور کرشمہ کپور کی فلم کُلی نمبر کا ری میک ہے۔

جبکہ کرینہ کپور خان اب فلم لال سنگھ چڈھا میں نظر آئیں گی۔ اس فلم میں کرینہ کے ساتھ عامر خان مرکزی کردار میں نظر آئیں گے –

کرینہ کپور خان کا خود پر ٹرولنگ کرنے والوں کو منہ توڑ جواب