پاکستان میوزک انڈسٹری کےعالمی شہرت یافتہ گلوکار عاطف اسلم نے کہا ہے کہ اُن کی اہلیہ سارہ بھروانہ اُن کا کریڈٹ کارڈ اپنے میک اپ پر اُڑا دیتی ہیں۔
باغی ٹی وی : حال ہی میں سارہ بھروانہ نے ایک میک اپ آرٹسٹ کے لیے فوٹو شوٹ کروایا جس کی تصویر سوشل میڈیا پر وائرل ہو رہی ہے سارہ بھروانہ کی دلکش تصویر پر جہاں سوشل میڈیا صارفین نے محبت بھرے تبصرے کیے تو وہیں اُن کے شوہر عاطف اسلم نے بھی مزاحیہ انداز میں خوبصورت کمنٹ کیا-
عاطف اسلم نے اہلیہ کی تصویر پر کمنٹ کرتے ہوئے مزاحیہ انداز میں لکھا کہ یہ لڑکی کون ہے؟ میرا پورا کریڈٹ کارڈ اپنے میک اپ پر اُڑا دیتی ہے۔
گلوکار نے اہلیہ کی تعریف کرتے ہوئے پیار کا اظہار کیا اور لکھا کہ آپ بہت حسین و جمیل لگ رہی ہیں۔
واضح رہے کہ گلوکار عاطف اسلم اور سارہ بھروانہ سال 2013ء میں رشتۂ ازدواج میں منسلک ہوئے تھے جوڑی کے 2 بچے ہیں عاطف اسلم اور اُن کی اہلیہ سارہ بھروانہ کے ہاں پہلے بیٹے کی پیدائش 2014 میں ہوئی تھی جس کا نام احد ہے گلوکار کے ہاں دوسرے بیٹے کی پیدائش سال 2019 میں ہوئی تھی۔