لاہور، سردی کی شدت میں اضافہ، شدید دھند،گھروں میں گیس غائب

سردی کی شدت میں اضافہ پر گیس غائب، گھروں کے چولہے ٹھنڈے پڑ گئے

پنجاب کے صوبائی دارالحکومت لاہور میں سردی کی شدت میں اضافے کے بعد شہر کے متعدد علاقے گیس سے محروم، کئی علاقوں میں پریشر انتہائی کم ہو گیا ہے، :گیس نہ ہونے پر شہری ناشتہ اور کھانا بنانے سے محروم رہے، اعوان ٹاؤن،اچھرہ، مسلم ٹاون، جوہر ٹاؤن کے علاقوں میں گیس کی بندش کا سامنا کرنا پڑا.ریواز گارڈن، ساندہ،ہربنس پورہ،صدد،مغلپورہ ،گڑھی شاہو میں شہری گیس سے محروم رہے، ایس این جی پی ایل حکام کا دعوی ہے کہ شہر میں کھانا بنانے کے اوقات میں گیس فراہم کی جارہی ہے،شہر میں ٹیل اینڈ صارفین کو گیس پریشر میں کمی کا سامنا ہے

دوسری جانب لاہور میں گزشتہ روز کی نسبت فضائی آلودگی کی شرح میں اضافہ دیکھنے میں آیا ہے، لاہور آج دنیا کے آلودہ ترین شہروں میں دوسرے نمبر پر آیا، لاہور میں مجموعی طور پر ائر کوالٹی انڈیکس 235 ریکارڈ کی گئی، لاہور میں سب سے زیادہ 505 اے کیو آئی شملہ پہاڑی چوک میں ریکارڈ کی گئی کوٹ لکھپت، فیروز پور روڈ، خانہ سلیم روڈ شہر کے آلودہ علاقوں میں شامل ہیں

خانیوال شہر اور گردونواح میں شدید دھند کا راج ہے، دھند کے باعث حد نگاہ انتہائی کم ہو گئی ہے، شدید دھند کے باعث ٹریفک اور ریلوے ٹرین تاخیر کا شکار ہے منچن آباد اور گردونواح میں شدید دھند، حد نگاہ انتہائی کم ہو گئی ہے، دھند کے باعث سردی کی شدت میں اضافہ ہو گیا ہے، دھند کی وجہ سے ٹریفک کی روانی متاثر، مسافر پریشان ہیں فورٹ عباس، شہر اور چولستان میں شدید دھند پائی گئی ہے، جہانیاں:شہر اور گردو نواح میں شدید دھند پائی گئی ہے، دھند کی وجہ سے حد نگاہ انتہائی کم رہ گئی۔

صوبہ بلوچستان کے بیشتر اضلاع میں موسم سرد اور خشک جبکہ بالائی اضلاع میں شدید سرد رہے گا کوئٹہ شہر میں مطلع جزوی طور پر ابرآلود ہے محکمہ موسمیات کے مطابق کوئٹہ میں کم سے کم درجہ حرارت منفی 04ڈگری سینٹی گریڈ ریکارڈ کیا گیا، قلات میں کم سے کم درجہ حرارت منفی09 ڈگری سینٹی گریڈ ریکارڈکیا گیا،زیارت میں کم سے کم درجہ حرارت منفی06ڈگری سینٹی گریڈریکارڈکیاگیا، ژوب میں کم سے کم منفی 01جبکہ بارکھان میں 01 ڈگری سینٹی گریڈ ریکارڈ کیا گیا،تربت میں کم سے کم10جبکہ پنجگورمیں صفر ڈگری سینٹی ریکارڈ کیاگیا، گوادر میں کم سے کم 10،اوڑمارہ اورجیونی میں کم سے کم07 جبکہ پسنی میں 13ڈگری سینٹی گریئڈ ریکارڈ کیا گیا،

سموگ سے بچاؤ،چار ماہ میں 1730 مقدمے درج، نوکروڑ جرمانہ

راہ چلتی طالبات کو ہراساں اور آوازیں کسنے والا اوباش گرفتار