سعودی عرب میں‌عید کب ہو گی؟ اعلان کر دیا گیا

0
49

سعودی عرب میں شوال کا چاند نظر آگیا ہے جس پر منگل کے دن عید الفطر کا اعلان کر دیا گیا ہے.

باغی ٹی وی کی رپورٹ کے مطابق سعودی عرب میں عید کا چاند تمیر کے علاقہ میں دیکھا گیا جس کے بعد سرکاری سطح‌ پر کل عید منانے کا اعلان کیا گیا ہے. سعودی عرب کی طرح متحدہ عرب امارات میں بھی عیدالفطر کا چاند نظر آگیا ہے اور وہاں بھی سعودی عرب کے ساتھ منگل کے روز ہی عید کی جائے گی۔

ایشیائی ممالک انڈونیشیا، ملائیشیا ، تھائی لینڈ اور جاپان میں پیر کے روز عید کا چاند نظر نہیں آیا لہٰذا وہاں منگل کو 30 واں روزہ رکھا جائے گا اور بدھ کو عیدالفطر منائی جائے گی۔ آسٹریلیا میں بھی عید کا چاند نظر نہیں آیا.

پاکستان میں وزارت سائنس اینڈ ٹیکنالوجی نے عیدالفطر 5 جون کو منانے کا اعلان کیا ہے تاہم حتمی فیصلہ مفتی منیب الرحمان کی سربراہی میں مرکزی رویت ہلال کمیٹی ہی کرے گی۔ پاکستان میں بھی کل کے دن چاند دیکھنے کا اہتمام کیا جائے گا.

Leave a reply