fbpx

سعودی عرب افغان طالبان حکومت تسلیم کرے گا مگرکچھ انتظار کے بعد: سعودی وزیرخارجہ

نئی دہلی :سعودی عرب افغان طالبان حکومت تسلیم کرے گا مگرکچھ انتظار کے بعد،اطلاعات کے مطابق سعودی وزیر خارجہ شہزادہ فیصل بن فرحان السعود نے کہا ہے کہ طالبان حکومت تسلیم کرنے کیلئے انتظارکرو اور دیکھو کی پالیسی پرعمل کر رہے ہیں۔

بھارتی ٹی وی کو انٹرویو میں شہزادہ فیصل بن فرحان السعود کا کہنا تھاکہ کشمیر بھارت اور پاکستان کا باہمی مسئلہ ہے، دونوں ممالک بات چیت سے تنازعات حل کریں۔سعودی وزیر خارجہ ان دنوں بھارت کے دورے پر موجود ہیں جہاں انہوں نے بھارتی وزیر اعظم نریندر مودی سے بھی ملاقات کی۔

 

 

سعودی وزیر خارجہ شہزادہ فیصل بن فرحان السعود کا کہنا تھاکہ افغانستان میں القاعدہ، داعش اور طالبان کا دوبارہ منظرعام پرآنا قابل فکر ہے۔

سعودی وزیر خارجہ کا کہنا تھاکہ افغانستان سے دوسرے ممالک میں دہشتگردی پھیلنے کے خطرات پر تحفظات ہیں لیکن طالبان نےکہاہے کہ افغان سرزمین کسی دوسرے ملک میں دہشتگردی کیلئے استعمال نہیں ہوگی۔

سعودی وزیر خارجہ شہزادہ فیصل بن فرحان السعود کا کہنا تھاکہ طالبان حکومت تسلیم کرنے کیلئے انتظارکرو اور دیکھو کی پالیسی پرعمل کر رہے ہیں جبکہ افغانستان میں امن و استحکام اور شمولیتی پالیسی چاہتے ہیں۔

Facebook Notice for EU! You need to login to view and post FB Comments!