سعودی وفد پاکستانی وزراء اور حکام کی تیاری سے متاثر ہوا ،وزیراعظم

بہت جلد ایرانی صدر بھی پاکستان کا دورہ کریں گے۔
0
101
pm shehbaz

اسلام آباد: وزیرِاعظم محمد شہباز شریف نے کہا ہے کہ اپنی عوام سے کئے گئے عہد کے مطابق پاکستان کی ترقی و خوشحالی کیلئے دن رات محنت کریں گے-

باغی ٹی وی: محمد شہباز شریف کی زیرِ صدارت وفاقی کابینہ کا اجلاس ہوا جس میں انہوں نے کہا کہ سعودی ولی عہد شہزادہ محمد بن سلمان کے مشکور ہیں کہ میرے حالیہ دورے کے بعد ان کی خصوصی دلچسپی کے تحت سعودی وفد نے پاکستان کا دورہ کیا سعودی وفد پاکستانی وزراء اور حکام کی تیاری سے متاثر ہوا اور سعودی وزیرِ خارجہ شہزادہ فیصل بن فرحان آلسعود نے اس کا برملا اظہار کیا، سعودی وفد کے دورے کے نتیجے میں پاکستان میں اربوں ڈالر کی سرمایہ کاری ہوگی۔

انہوں نے کہا کہ ہمیں اسی طرح محنت اور لگن سے اس سرمایہ کاری کی پاکستان میں آمد اور منصوبوں کی تکمیل یقینی بنانا ہے، اس حوالے سے نہ تو پرانے طریقہ کار پر چلنے کی گنجائش ہے اور نہ میں اسکی اجازت دوں گا، اپنی عوام سے کئے گئے عہد کے مطابق پاکستان کی ترقی و خوشحالی کیلئے دن رات محنت کریں گے، مجھے پورا یقین ہے کہ اگر ہم اسی طرح محنت کرتے رہے تو پاکستان کی ترقی و خوشحالی اور معاشی استحکام کے اہدف جلد حاصل کر لیں گے، بہت جلد ایرانی صدر بھی پاکستان کا دورہ کریں گے۔

تعیناتیوں کےلیے65 سال تک عمرکی شرط ختم کرنے کی سمری تیار

واضح رہے کہ دوسری جانب پاکستان میں سرکاری ملازمت کے درخواستگزاروں کی عمر سے متعلق وزیر اعظم کا نئی سمری کی منظوری دینے کا امکان ہے، سرکاری ملازمت کے لیے درخواست گزار کی عمر 65 سال تک ہونا ہونی چاہیے۔

تاہم اب وزیر اعظم شہباز شریف کی جانب سے سرکاری ملازمت کی عمر کی حد سے متعلق سمری منظور ی کا امکان ہے، منظوری کی صورت میں وفاقی وزارتوں، اداروں اور ڈویژنز میں ملازمت کے خواہاں افراد فائدہ مند ہو سکتے ہیں اس سمری کے مطابق 65 سالہ سے زائد عمر کے افراد بھی اپوائنٹ ہو سکتے ہیں، اس حوالے سے وزیر اعظم کی جانب سے کمیٹی بنائی گئی تھی، جس کی صدارت وزیر فنانس محمد اورنگزیب کر رہے تھے جبکہ ضروری ایڈجسٹمنٹس کے تحت وفاقی اداروں میں بہتری لانے کا ارازہ ہے۔

سعودی معاون وزیر دفاع اسلام آباد پہنچ گئے،آرمی چیف سے ملاقات شیڈول

یاد رہے کہ عمر کی حد پاکستان تحریک انصاف کی حکومت کی جانب سے دور حکومت میں عائد کی گئی تھی، تاہم اس سمری کی منظوری بہت جلد ملنے والی ہے،نئی پالیسی کے تحت ٹیلنٹڈ پروفینشلز، ٹیکینیل ماہرین کو ہائیر کیا جائے گا، جبکہ اس منظوری کے بعد درخواستگزاروں پر عمر کی بندش ختم ہو جائے گی۔

Leave a reply