موبی لنک سالانہ کھربوں کمانے والاادارہ :25 ارب روپے کا ٹیکس نادہندہ نکلا،اسلام آباد ہیڈ آفس سیل

اسلام آباد:موبی لنک جیسا سالانہ اربوں کمانے والا:25 ارب روپے کا ٹیکس نادہندہ نکلا،اسلام آباد ہیڈ آفس سیل،اطلاعات کے مطابق پاکستانیوں سے سالانہ اربوں روپے کمانے والا کالنگ سروس اورانترنیٹ فراہم کرنے

والا ادارہ موبی لنک خود 25 ارب روپے کا نادہندہ نکلا

باغی ٹی وی ذرائع کے مطابق اسلام آباد لینڈ ریونیو کی طرف سے ڈیفالٹرقراردینے کے نوٹیفکیشن میں کہا گیا ہےکہ موبی لنک نے غلط بیانی اورٹیکس اداکرنے جیسی ذمہ داری نہیں نبھائی

موبی لنک جازکمپنی اپنے صارفین کو تو کچھ رقم کے عوض صارف کی ٹیکس تفصیلات فراہم کرنے کی پیشکش تو کرتا ہے لیکن خود قومی ذمہ داری ادا کرنے سے عاری نکلا،موبی لنک 25 ارب سے زائد کا ٹیکس نادہندہ نکلا،پاکستانیوں سے کھربوں کمانے والا 25 ارب روپے دینے سے انکاری pic.twitter.com/98gFbpV4jo

— Baaghi TV باغی ٹی وی (@BaaghiTV) October 28, 2020

ڈپٹی کمشنرلینڈ ریونیواسلام آباد حماد شکیل کی طرف سے جاری نوٹیکفیشن میں کہا گیا ہےکہ موبی لنک نے وعدے کی پاسداری نہیں کی اوربار بار باورکرانے کےباوجود اپنے قومی فریضے کو ادا کرنے کی کوشش نہیں کی

اس نوٹیفکیشن میں کہا گیا ہے کہ چونکہ موبی لنک نے 25 ارب 39 کروڑ 36 لاکھ روپےسے زائد کا ٹیکس ادا نہیں کیا جس کی وجہ سے اتھارٹی نے موبی لنک دفترسیل کرنے کا فیصلہ کیا ہے

یہ بھی معلوم ہوا ہےکہ اس حوالے سے موبی لنک کی طرف بارگیننگ شروع ہوگئی ہے اوراگلے چند دنوں تک صورت حال بہترہوسکتی ہے

یاد رہےکہ موبی لنک اپنے صارفین کو بار بار کچھ روپے کی عوض صارف کے ٹیکس کی تمام تفصیلات فراہم کرنے کی پیشکش کررہا ہے لیکن خود اس ذمہ داری سے عاری ہے