صحرائے چولستان میں شدید گرمی،تالاب خشک ہوگئے،پینے کا پانی نایاب،درجنوں بھیڑیں مر گئیں

0
85

صحرائے چولستان میں شدید گرمی کی لہرمویشیوں کے لیے جان لیوا بن گئی-

باغی ٹی وی : صحرائےچولستان میں شدید گرمی میں تالاب خشک ہوگئے ہیں اورپینے کاپانی نایاب ہوچکا ہے اورکنووں کا پانی کڑوا ہوجانے سے پانی ناپید ہونے لگا، جس کے باعث تین دن کے دوران درجنوں بھیڑیں مرگئيں۔

مقامی افراد کہنا ہے کہ صحرائی علاقہ ٹوبہ نواں کھوہ اورٹوبہ سالم سر میں درجنوں بھیڑیں ہلاک ہوگئی ہیں۔

ڈائریکٹرلائیواسٹاک ڈاکٹر سہیل کا کہنا ہے کہ جانوروں کی اموات چولستان کے دور دراز علاقوں میں ہوئیں،جہاں سےاعدادوشمار اکٹھاکر رہےہیں ٹیمیں تین دن سے صحرا میں موجود ہیں اورجانوروں کی ویکسینیشن کر رہے ہیں مویشی مالکان کو گرمی سے بچاؤ کے لیے تدابیر اور آگاہی فراہم کر رہے ہیں۔

وائلڈ لائف حکام کا کہنا ہے کہ تالابوں کاپانی خشک اور کنووں کاپانی کڑوا ہوچکا ہے، ایسے میں مویشی مالکان جانوروں کو آبادیوں کے قریبی علاقوں میں منتقل کریں۔

چین کے ساتھ پاکستان کے تعاون کو مزید بلندی پر لے جائیں گے،وزیر خارجہ بلاول بھٹو

واضح رہے کہ محکمہ موسمیات نے خبردار کیا تھا کہ 11 مئی سے گرمی زیادہ شدت کے ساتھ سندھ کو اپنی لپیٹ میں لے سکتی ہے دادو، جیکب آباد، لاڑکانہ، سکھر اور دیگر علاقوں میں 48 ڈگری سینٹی گریڈ جبکہ دیگر اضلاع میں پارہ 45 ڈگری تک جاسکتا ہے 12 سے 14 مئی کے دوران کراچی میں درجہ حرارت 40 یا اس زیادہ ہونے کا خدشہ ہے سندھ میں گرمی کی لہر 16 مئی تک برقرار رہنے کا امکان ہے۔

Leave a reply