آج کی کابینہ میٹنگ معمول سے مختلف کیوں تھی ،سینیٹر شبلی فراز نے بتا دیا

اسلام آباد:وفاقی وزیر اطلاعات و نشریات سینیٹر شبلی فراز کی میڈیا بریفنگ ، سینیٹر شبلی فراز نے کہا کہ کورونا کی دوسری لہر کے باعث آج کی کابینہ میٹنگ معمول سے مختلف تھی،کابینہ اجلاس میں ایجنڈا آئٹم والے وزیروں نے شرکت کی،دیگر وزراء نے اجلاس میں ورچوئل شرکت کی، سینیٹر شبلی فراز نے مزید کہا کہ پی ڈی ایم کے جلسوں والے علاقوں میں کیسز کی شرح بہت زیادہ ہے

کورونا کی دوسری لہر سے ہسپتالوں پر بوجھ پڑ رہا ہے,چھٹی مردم شماری رپورٹ حتمی منظوری کیلئے مشترکہ مفادات کونسل میں پیش کرنے کی منظوری
کابینہ کو نیپرا کی سالانہ 20۔2019پیش کی گئی،
حکومت ورثے میں ملنے والے گھمبیر مسائل کے حل کیلئے ہر ممکن اقدام کررہی ہے،سستی بجلی کی فراہمی کیلئے گردشی قرضوں کے معاملے پر توجہ دے رہے ہیں،کابینہ اجلاس میں اقتصادی رابطہ کمیٹی کے فیصلوں کی توثیق کی گئی ،

وزارت داخلہ کو ای سی ایل قانون میں ترمیم کرنے کی منظوری دی گئی ،ای سی ایل سے متعلق ترمیم حتمی منظوری کے لیے کابینہ اجلاس میں پیش کی جائے گی مولانا شیرانی اعتراف کرچکے ہیں کہ مولانا فضل الرحمان خود سلیکٹڈ ہیں،پی ڈی ایم میں شامل سیاسی جماعتوں کے اندرونی اختلافات سامنے آرہے ہیں ،پی ڈی ایم کی تحریک میں صرف مایوسی اور شکست نظر آ رہی ہے، پی ڈی ایم اپنے قول و فعل میں تضاد کے باعث بری طرح بے نقاب ہوچکی ہے،

پی ڈی ایم اپنے قول و فعل میں تضاد کے باعث بری طرح بے نقاب ہوچکی ہے، پی ڈی ایم کی سیاست بند گلی میں داخل ہوچکی ہے، سینیٹر شبلی فراز نے مزید کہا کہ کسی بھی تحریک کے قائد کی سیاسی ساکھ بہت اہم ہوتی ہے،پی ڈی ایم کے سربراہ مولانا فضل الرحمان کی ساکھ بری طرح متاثر ہوچکی ہے
عمران خان نے محنت اور لگن سے سیاست میں نمایاں مقام بنایا، مذہب کا لبادہ اوڑھنے والے مولانا فضل الرحمان قانون کو نہیں مانتے،کرنٹ اکاؤنٹ سرپلس، ترسیلات اور برآمدات میں اضافہ جبکہ شعبہ تعمیرات ترقی کررہا ہے

اپوزیشن نہیں چاہتی کہ حکومت کسی بھی طرح کامیاب ہو،وزیراعظم کی قیادت میں ملک ترقی کی راہ پر گامزن ہے،ذاتی مفادات کو فوقیت دینے والوں کو رسوائی کے سوا کچھ نہیں ملے گا،