سعودی ولی عہد نے بھارتی آرمی چیف سے ملاقات کرنے سے انکار کر دیا

ریاض:سعودی ولی عہد نے بھارتی آرمی چیف سے ملاقات کرنے سے انکار کر دیا،اطلاعات کے مطابق سعودی ولی عہد نے بھارتی آرمی چیف سے ملاقات کرنے سے انکار کر دیا۔

تفصیلات کے مطابق سینئر صحافی ڈاکٹر شاہد مسعود کی جانب سے نجی ٹی وی چینل کے پروگرام سے گفتگو کرتے ہوئے بھارتی آرمی چیف جنرل منوج مکند نروانے کے دورہ سعودی عرب کے حوالے سے بڑا دعویٰ کیا گیا ہے۔ سینئر صحافی کا کہنا ہے کہ بھارتی آرمی چیف کو سعودی عرب کے پہلے دورے کے دوران ناکامی کا سامنا کرنا پڑا۔

ڈاکٹرشاہد مسعود نے اس حوالے سے اہم گفتگو کرتے ہوئے کہا کہ مودی سرکار پہلی مرتبہ کسی بھارتی آرمی چیف کے دورہ سعودی عرب پر کافی خوش ہو رہی تھی، تاہم جنرل منوج مکند نروانے کو سعودی عرب میں ناکامی کا سامنا کرنا پڑا۔

ڈاکٹرشاہد مسعود نے انکشاف کیا کہ جنرل منوج مکند نروانے کے دورے کے موقع پر محمد بن سلمان جو کہ سعودی عرب کے وزیر دفاع بھی ہیں، انہوں نے اور ان کے بھائی سعودی نائب وزیر دفاع نے بھی بھارتی آرمی چیف ملاقات سے انکار کر دیا۔

واضح رہے کہ رواں ماہ کے آغاز میں پہلی مرتبہ بھارت کے آرمی چیف کے دورہ سعودی عرب اور متحدہ عرب امارات کا اعلان کیا گا تھا۔ اسے بھارت اور خلیجی اسلامی ممالک کے تعلقات میں ایک بڑی پیش رفت قرار دیا گیا۔

بھارتی فوج کے چیف جنرل منوج مکند نرونے کچھ روز بقل سعودی عرب اور اس کے پڑوسی ملک متحدہ عرب امارات کا خصوصی دورہ کیا اور دونوں ممالک کی افواج کے حکام سے ملاقاتیں کیں۔