شہباز گل کی فرد جرم موخرکرنے کی درخواست خارج

تحریک انصاف کے رہنما شہباز گل پر فرد جرم موخرکرنے کی درخواست خارج کر دی گئی

سیشن کورٹ اسلام آباد نے شہباز گل کی فرد جرم موخر کرنے کی درخواست مسترد کردی ،عدالت نے شہباز گل پر فرد جرم کیلئے 22 مارچ کی تاریخ مقرر کر دی،جج طاہر عباس سپرا نے فریقین کے دلائل سننے کے بعد فیصلہ محفوظ کیا تھا جو اب سنا دیا گیا ہے

اسلام آباد میں ایڈیشنل سیشن جج طاہرعباس سپرا کی عدالت میں شہبازگل کے خلاف اداروں میں بغاوت پر اکسانے کے مقدمہ کی سماعت ہوئی، شہباز گل اور عماد یوسف عدالت کے روبرو پیش ہوئے ،اسپیشل پراسیکیوٹر رضوان عباسی نے کہا کہ ملزمان پر آج فرد جرم عائد ہونی ہے جس پر شہباز گل نے کہا کہ میرے وکیل کا حادثہ ہو گیا وہ پیش نہیں ہوسکیں گے میں ذاتی طور پرعدالت کے سامنے کچھ گزارشات رکھنا چاہتا ہوں،شہباز لگ نے کہا کہ میرے شریک ملزم ارشد شریف کو زبردستی ملک چھوڑنے پر مجبور کیا گیا ارشد شریف نے ملک چھوڑا تو انہیں ٹریس کرنے کی کوشش کی گئی ارشد شریف کینیا پہنچے تو انہیں وہاں قتل کر دیا گیا ارشد شریف کے قتل کی تفتیش کیلئے تفتیشی ٹیم تشکیل دی گئی تفتیشی ٹیم نے اس مقدمہ کے مدعی کو بھی اپنا بیان ریکارڈ کرانے کیلئے طلب کیا اسی نوعیت کی ایک درخواست کراچی میں بھی درج کی گئی، کراچی مقدمہ کے تفتیشی نے بتایا کہ انہیں کس نے مقدمہ درج کرنے اور ہمیں نامزد کرنے کا کہا یہی مقدمات ارشد شریف کے ملک چھوڑنے کی وجہ بنے سپریم کورٹ نے ارشد شریف کے قتل کا سوموٹو نوٹس لیا سپریم کورٹ نے ارشد شریف قتل کی تفتیش کیلئے سپیشل جے آئی ٹی تشکیل دی، اسپیشل جے آئی ٹی نے سپریم کورٹ میں اپنا جواب بھی جمع کرایا

شہباز گل کے دلائل مکمل ہونے کے بعد اسپیشل پراسیکیوٹر رضوان عباسی نے دلائل دیتے ہوئے کہا کہ سپریم کورٹ نے اس عدالت کو ٹرائل سے نہیں روکا عدالت مفروضے کی بنیاد پر مقدمہ کا ٹرائل نہیں روک سکتی یہ مقدمہ ارشد شریف نہیں بلکہ شہباز گل سے متعلق ہے،شہباز گل نے کہا کہ اگر تعلق نہیں تو ارشد شریف کینیا میں خود قتل ہونے گئے تھے؟ ارشد شریف نے صدر اور چیف جسٹس پاکستان کو خطوط لکھے تھے ارشد شریف کو معلوم تھا کہ ان کے ساتھ یہ ہونے والا ہے حکومت نے ارشد شریف کو تمغہ حسن کارکردگی دیا تھا، یہ پراسیکیوٹرسے پوچھیں کہ یہ کیوں غلط کام کرتے ہیں مجھے بلوچستان میں کیوں بھیج دیتے ہیں میں ایک ہی شخص ہوں اور میرے خلاف بہت سے مقدمات بنائے جا رہے ہیں اگر میں تمام مقدمات میں پیش ہونگا تو کیسز میں تاخیر تو ہوگی

پراسیکیوٹر رضوان عباسی نے عدالت میں کہا کہ اس کیس میں فرد جرم عائد کی جائے پھرمزید دلائل سنے جائیں جس پرشہباز گل نے کہا کہ مجھے تو پھر ایسا نقصان ہوگیا جس کا ازالہ نہیں ہو سکے گا مختلف ممالک کا سفر کرتے وقت یہ پوچھا جاتا ہے کہ آپ پر فرد جرم تو عائد نہیں ہوئی آپ یہ لکھ دیں کہ مجھے سزائے موت نہیں بلکہ بری کرانے کیلئے فرد جرم عائد کروا رہے ہیں ،اسپیشل پراسیکیوٹر نے کہا شہباز گل کیس کو التوا کا شکارکرنا چاہ رہے ہیں

اسلام آباد ہائیکورٹ نے شہباز گل ضمانت کیس کا تفصیلی فیصلہ جاری کردیا

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

واضح رہے کہ شہباز گل اداروں میں بغاوت پر اکسانے کے کیس میں ضمانت پر ہیں۔ خیال رہے اس سے قبل  پاکستان تحریک انصاف (پی ٹی آئی) کے رہنما شہباز گل کا نام ایگزٹ کنٹرول لسٹ (ای سی ایل) میں شامل کرلیا گیا تھا ۔ ذرائع کے مطابق پی ٹی آئی رہنما شہباز گل کا نام کابینہ کی منظوری کے بعد ای سی ایل میں شامل کیا گیا تھا۔ اسلام آباد کی ضلعی انتظامیہ نے شہباز گل کا نام ای سی ایل میں ڈالنے کی سفارش کی تھی۔
مزید یہ بھی پڑھیں؛ پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا
اسلام آباد ہائی کورٹ نے رواں سال ستمبرمیں بغاوت پر اکسانے کے مقدمے میں شہباز گل کی ضمانت کی درخواست منظور کرتے ہوئے رہا کرنے کا حکم دیا تھا۔ یاد رہے کہ شہباز گل کو اشتعال انگیز تقاریرکے الزام میں گرفتار کیا گیا تھا اور وہ ایک ماہ جیل میں رہے تھے۔ شہباز گل کی ضمانت کے خلاف اکتوبر میں سپریم کورٹ میں درخواست دائر کی گئی تھی.