خیرپور میں امتحان کے دوران شدیدگرمی سے گیارہویں جماعت کا طالب علم انتقال کرگیا.
خیرپور میں امتحان کے دوران شدیدگرمی سے گیارہویں جماعت کا طالب علم انتقال کرگیا۔ سکھر تعلیمی بورڈ کے مطابق طالب علم گورنمنٹ ڈگری کالج ٹھیڑی میں فزکس کا پرچہ دے رہا تھا اور جب طالب علم امتحان دینے آیا تو طبیعت ناساز تھی۔ شدیدگرمی کے دوران پرچہ دیتے ہوئے طالب علم کو دل کا دورہ پڑا جو جان لیوا ثابت ہوا۔ خیال رہے کہ آج خیرپور میں درجہ حرارت 45 ڈگری سینٹی گریڈ سے زائد رہا۔ طلبہ کا کہنا تھاکہ امتحانات میں شدید گرمی اور حبس کے باعث شدید مشکلات کا سامنا ہے لوڈشیڈنگ کے باعث گرمی میں مزید اضافہ ہوجاتا ہے۔
علاوہ ازیں آبادی کے لحاظ سے پاکستان کے سب بڑے صوبے پنجاب میں گرمیوں کی چھٹیوں کا اعلان کردیا گیا ہے، اور اس حوالے سے نوٹیفکیشن بھی جاری کر دیا گیا ہے۔ نگراں حکومت کی جانب سے جاری ہونے والے نوٹیفکیشن کے مطابق صوبے میں سرکاری اور نجی اسکولز میں گرمی کی چھٹیاں 6 جون سے شروع ہوں اور 20 اگست تک تعطیلات رہیں گی۔ واضح رہے کہ چند روز قبل حکومت سندھ کی جانب سے اسکولوں اور کالجوں کے لیے موسمِ گرما کی تعطیلات کا اعلان بھی کیا گیا تھا۔
صوبائی حکومت کے مطابق دو ماہ کی تعطیلات یکم جون سے لیکر31 جولائی تک ہوں گی اور یکم اگست سے اسکول دوبارہ کھل جائیں گے۔ مذکورہ فیصلے کا اطلاق تمام سرکاری اور نجی تعلیمی اداروں پر بھی ہوگا جو حکومت سندھ کے اسکول ایجوکیشن اینڈ لٹریسی ڈیپارٹمنٹ کے ماتحت ہیں۔
حکومت سندھ نے حالیہ گرمی اور لوڈشیڈنگ کے پیش نظر چھٹیوں کا نوٹیفکیشن تبدیل کرتے ہوئے 20 مئی سے گرمی کی تعطیلات کا اعلان کردیا تھا اور نیا نوٹیفکیشن جاری کرتے ہوئے کہا تھا کہ صوبے بھر میں گرمی کی چھٹیاں 20 مئی سے 20 جولائی تک ہوں گی۔ دوسری جانب پرائیوٹ اسکولز نے اس فیصلے کو قبول نہیں کیا، اور مؤقف دیا کہ بچوں کے امتحانات ہورہے ہیں چھٹیوں کا اعلان سمجھ سے بالاتر ہے۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
بیشتر پرائیوٹ اسکولز میں صبح بچے پہنچے تو ان کا کہنا تھا کہ اسکول آنا اچھا نہیں لگ رہا تاہم ہمارے امتحان ہو رہے ہیں۔ محکمہ تعلیم کا مؤقف تھا کہ گرمی کی شدت میں اضافے اور لوڈشیڈنگ کے باعث شیڈول تبدیل کر کے چھٹیوں کا اعلان کیا گیا ہے۔
