شہباز شریف کی ضمانت منسوخی اپیل ،سپریم کورٹ میں کب ہو گی سماعت؟ کاز لسٹ جاری

شہباز شریف کی ضمانت منسوخی اپیل ،سپریم کورٹ میں کب ہو گی سماعت؟ کاز لسٹ جاری

باغی ٹی وی کی رپورٹ کے مطابق قومی اسمبلی میں قائد حزب اختلاف شہباز شریف کی ضمانت منسوخی کے لئے نیب کی اپیل سپریم کورٹ میں سماعت کے لئے مقرر کر دی گئی ہے، سپریم کورٹ کا تین رکنی بینچ چیف جسٹس آصف سعید کھوسہ کی سربراہی میں 3 دسمبر کو سماعت کرے گے.

تین رکنی بینچ میں جسٹس منصور علی شاہ اور جسٹس مظہر عالم میاں خیل شامل ہونگے۔ سپریم کورٹ کا یہی بنچ فواد حسن فواد کی ضمانت منسوخی کی اپیل پر بھی سماعت کرے گا۔

کم عمر بچیوں کی شادی نہ کروانے پر کاشانہ کی سپرنٹنڈنٹ کے ساتھ کیا سلوک کیا گیا؟

واضح رہے کہ نیب کی جانب سے شہباز شریف کیخلاف ایل ڈبلیو ایم سی کرپشن کیس، منی لانڈرنگ کیس، آمدن سے زائد اثاثہ جات کیس اور ویسٹ مینجمنٹ کمپنی کیس کی تحقیقات کی جا رہی ہے۔ شہباز شریف کو عدالت نے ضمانت دی تھی, چودہ فروری کو قومی اسمبلی میں قائد حزب اختلاف شہباز شریف کو عدالت نے رہا کرنے کا حکم جاری کیا تھا۔

نواز شریف کی حالت نازک مگر بیماری کی رپورٹ سامنے کیوں نہیں آئی؟ اہم خبر

نواز شریف کی صحت، ڈاکٹرز نے وارننگ دے دی، خطرے کی گھنٹی

نیب کی جانب سے سپریم کورٹ میں دائر درخواست میں کہا گیا ہے کہ ہائیکورٹ نے حقائق کے برعکس شہباز شریف کی درخواست ضمانت منظور کی، شہباز شریف نے آشیانہ ہاسنگ اور رمضان شوگر ملز کیس میں قومی خزانہ کو نقصان پہنچایا، سپریم کورٹ شہباز شریف کی ضمانت منظور کرنے کا ہائی کورٹ کا فیصلہ کالعدم قرار دے۔

واضح رہے کہ شہباز شریف اسوقت لندن جا چکے ہیں، سابق وزیراعظم نواز شریف کے ہمراہ گئے ہیں، نواز شریف کو بیرون ملک بھجوانے کے لئے عدالت نے احکامات جاری کئے تھے، عدالت نے کہا تھا کہ نواز شریف کو چار ہفتوں کے لئے بیرون ملک علاج کے لئے جانے دیا جائے