چیئرمین بلاول بھٹو زرداری نے شہید میر مرتضیٰ بھٹو کے یومِ شہادت پر پیغام جاری کیا ہے
پی پی پی چیئرمین بلاول زرداری نے شہید میر مرتضیٰ بھٹو کو ان کے 25 ویں یومِ شہادت پر شاندار الفاظ میں خراج عقیدت پیش کرتے ہوئے کہا ہے کہ شہید میر مرتضیٰ بھٹو کو ایک گھناؤنی سازش کے تحت شہید کیا گیا ،وہ سازش یہ تھی کہ "ایک بھٹو کو نشانہ بنانے کے لئے، دوسرے بھٹو کو قتل کردو” قائدِ عوام کے عدالتی قتل کے بعد ملک پر آمریت مسلط کی گئی، تو شہید میر مرتضیٰ بھٹو نے ایسی آمریت کو مسترد کردیا انہوں نے بھٹو خاندان کے دیگر افراد کی طرح عوام کے حقوق کے لیٸے آواز اٹھاٸی اور جدوجہد کے میدان میں کھڑے ہو گٸےشہید میر مرتضیٰ بھٹو جمہوریت کے لیٸے جدوجہد اور قربانیوں کے باعث بھٹو خاندان کے دیگر افراد کی طرح ہمیشہ عوام کی دلوں میں زندہ و جاوید رہیں گے
دوسری جانب پاکستان پیپلزپارٹی بلوچستان کے صوبائی صدر میر چنگیز جمالی، جنرل سیکرٹری روزی خان کاکڑ اور سیکرٹری اطلاعات سردار سربلند خان جوگیزئی نے شہید میر مرتضیٰ بھٹو کے 25 ویں یوم شہادت کے موقع پر انہیں خراج عقیدت پیش کر تے ہوئے کہا کہ شہید میر مرتضیٰ بھٹو کی جدوجہد ہر اس شخص کو یاد رہے گی جو ملک کی جمہوری تحریک سے وابستہ رہاہے شہید میر مرتضیٰ بھٹو انقلابی جدوجہد کے ماتھے کا جھومر تھے بھٹو خاندان نے غریب عوام اور جمہوریت کے لئے بہت بڑی قربانیاں دی ہیں بھٹو خاندان نے پاکستان کی سالمیت اورعوام کی حقوق کے لئے اپنی جانیں تک قربان کردیں پاکستان پیپلز پارٹی کے جیالے شہید میر مرتضیٰ بھٹو کی بہادری اور جدوجہد کو کبھی فراموش نہیں کریں گے
آپ کیلئے پٹرول کی قیمتیں روکنا تو کوئی مسئلہ ہی نہیں تھا تو اب کیا ہوا؟ فہد مصطفیٰ
پٹرولیم مصنوعات کی قیمتوں میں اضافہ لاہور ہائی کورٹ میں چیلنج
پٹرولیم مصنوعات کی قیمتوں میں اضافہ مسترد، بڑا مطالبہ سامنے آ گیا
