بزنس مین شیخ محمود دیرینہ دوست ہیں انکی بیٹی کا نکاح پڑھانے کے عوض کیسے پیسے لے سکتا ہوں‌؟ طارق جمیل

پاکستان کے معروف و مقبول مذہبی سکالر اور عالم دین کا کہنا ہے کہ شیخ محمود صاحب سے میری دیرینہ دوستی ہے ان کی دعوت پر ان کی بیٹی کا نکاح پڑھانے پر کیسے پیسے لے سکتا ہوں‌؟

باغی ٹی وی : گزشتہ دنوں سوشل میڈیا پر ایک پاکستانی بزنس مین شیخ محمود اقبال کی بیٹی کی شادی کی تقریب کے خوب چرچے رہے ہیں- اس شادی کی تقریب کے حوالے سے دعویٰ کیا جا رہا تھا کہ یہ پاکستان کی تاریخ کی سب سے مہنگی ترین شادی کی تقریب تھی تقریب میں مولانا کو نکاح کے لیے دیے گئے 10 لاکھ روپے کی ادائیگی کے بھی انکشافات ہوئے-

جس کے بعد مولانا صاحب کو سوشل میڈیا پر تنقید کا سامنا کرنا پڑا اور ایف بی آر کی جانب سے بھی مولانا کو نکاح کے لیے دیے گئے 10 لاکھ روپے کی ادائیگی کی بھی تحقیقات کی جارہی ہیں-

جس کے بعد مولانا طارق جمیل نے سوشل میڈیا پیغامات میں نکاح کے عوض لئے گئے 10 لاکھ روپوں کی تردید کی ہے-

سماجی رابطے کی ویب سائٹ ٹوئٹ پر اپنے سلسلہ وار ٹوئٹس میں مولانا طارق جمیل نے وضاحت دیتے ہوئے لکھا کہ اللہ کی توفیق سے تبلیغ دین کیلئے پچھلے 45 برس سے چھ برّاعظم پھرا ہوں، اک طویل مدت سے نبی(ص)کی زندگی کے گیت امت کو سنا رہا ہوں، ہماری ترقی میں رکاوٹ ہماری اخلاقی پستی ہے-


مولانا نے اپنی ایک اور ٹوئٹ میں مزید لکھا کہ نکاح پڑھانے پر پیسے لینے کا بہتان لگانے والوں کی خدمت میں گزارش ہے كہ تبلیغ دین کے اس طویل سفر میں اللہ کی توفیق سے ہزاروں بچیوں اور بچوں کا نکاح اللہ کی رضا کی خاطر پڑھایا ہے-

مولانا صاحب نے کہا کہ شیخ محمودصاحب سے میری دیرینہ دوستی ہے انکی دعوت پر بیٹی کا نکاح پڑھانے پر کیسے پیسے لے سکتا ہوں؟

ٹوئٹ کے آخر میں مذہبی سکالر نے کہا کہ اللہ ہم سب کو بد گمانی اور الزام تراشی سے محفوظ رکھے۔

واضح رہے کہ سوشل میڈیا پر ایک پاکستانی شادی کی تقریب کے کچھ روز سے خوب چرچے ہو رہے تھے۔ اس شادی کی تقریب کے حوالے سے دعویٰ کیا جا رہا تھا کہ یہ پاکستان کی تاریخ کی سب سے مہنگی ترین شادی کی تقریب تھی۔ شادی کی خبریں سوشل میڈیا پر وائرل ہونے کے بعد ایف بی آر نے نوٹس لیتے ہوئے بزنس مین سے شادی میں ہونے والے اخراجات کی تفصیلات طلب کی تھیں

یہ بھی معلوم ہوا ہےکہ اس بزنس مین کے شریف فیملی سے خصوصی تعلقات ہیں اورشیخ محمد اقبال نامی بزنس مین کے بارے میں معلوم ہوا ہے کہ اس کی تمام دولت کا بھی حساب شروع ہوگیا ہےکہ اس نے کمایا کہاں سے اوراتنی عیاشی کے پیچھے کیا حقائق ہیں‌؟

یہ عیاشی نہیں‌توپھرکسےعیاشی کہتے ہیں‌!پاکستان کی مہنگی ترین شادی،اربوں روپےاڑادیئے،ایف بی آرسرپکڑکربیٹھ گئی

جواب چھوڑیں

آپ کا ای میل ایڈریس شائع نہیں کیا جائے گا.