عالمی شہرت یافتہ کولمبین گلوکارہ شکیرا سیر پر گئیں جہاں جنگلی سُوروں نے ان پر حملہ کر دیا۔
باغی ٹی وی : گلوکارہ شکیرا نے سماجی راطے کی ویب سائٹ انسٹاگرام پر اپنے مداحوں کو بتایا کہ وہ بارسلونا کے ایک پارک میں اپنے 8 سالہ بیٹے کے ساتھ وقت گزار رہی تھیں کہ اچانک سے 2 جنگلی سُوروں نے ان پر حملہ کیا –
گلوکارہ نے بتایا کہ خوش قسمتی وہ اور ان کا بیٹا محفوظ رہا لیکن سور ان کا بیگ لے کر جنگل بھاگ گئے جس میں ان کا فون بھی تھا۔
اداکارہ و ماڈل مشال خان کو تیزاب حملے کی دھمکی
شکیرا ازابیل 2 فروری 1977 کو کولمبیا میں پیدا ہوئیں ان کی والدہ کولمبیا اور والد لبنان سے تعلق رکھتے ہیں شکیرا نے اپنا پہلا گانا 8 سال کی عُمر میں خود لکھا تھا جبکہ 13 سال کی عُمر میں اپنا پہلا گانا ریکارڈ کروایا تھا بعد ازاں انہوں نے گلوکاری کو ہی اپنا پیشہ بنایا، اُن کے ہسپانوی اور انگریزی زبان میں گائے ہوئے گانوں نے عالمی شہرت حاصل کی۔
فیفاورلڈ کپ 2010 کے گانے ’واکا واکا‘ سے وہ شہرت کی بلندیوں پر پہنچ گئیں اور اُنہیں ہالی وڈ واک آف فیم میں بھی شامل کرلیا گیا اُن کے گائے ہوئے گانے ’بیوٹی فل لائر‘ نے اُنہیں مشہور ترین گلوکاراؤں کی صف میں شمار ہونے لگیں شکیرا کے انسٹاگرام پر فالوورز کی تعداد 70 ملین ہے-
2010 میں شکیرا کو آئی ایل او کی جانب سے سماجی بہبود کے کاموں میں حصہ لینے پر سوشل جسٹس ایوارڈ بھی دیا گیا جبکہ اس کے علاوہ اُنہیں گریمی اور ایم ٹی وی میوزک سمیت متعدد ایوارڈز سے بھی نوازا جاچکا ہے۔
