شرمین عبید چنائے اب اور کیا کرنے والی ہیں؟‌

شرمین عبید چنائے نہایت ہی باصلاحیت ہیں انہوں نے اپنی صلاحیتوں کا لوہا انٹرنینشل لیول پر بھی منوایا ہے ، ان کے کریڈٹ پر جو کامیابیاں ہیں وہ کم کم لوگوں کے حصے میں آتی ہیں ، مس ماورل ان کے کریڈٹ کا ایک اہم پراجیکٹ مانا جاتا ہے ، اس پراجیکٹ کے بعد سب کی نظریں شرمین پر لگی ہوئی ہیں کہ وہ کیا کرنے والی ہیں تو اطلاعات یہ ہیں کہ عبید چنائے اسٹار وارز فرنچائز کی نئی فلم کو ڈائریکٹ کریں گی۔ اسٹار وارز کے اسکرپٹ رائٹروں ڈیمن لنڈولف اور برٹ گبسن کے جانے کے بعد اسٹار وارز فلم کے پروجیکٹ پر سوالیہ نشان بن گیا تھا۔ اب ہالی وڈ فرنچائز کی طرف سے باضابطہ اعلان کے مطابق شرمین عبید چنائے نہ صرف اسٹار وارز کی ایک نئی فلم

ڈائریکٹ کریں گی بلکہ وہ 2019 کی فلم دی رائز آف اسکائی واکر کے سیکوئیل کو بھی ہدایت کاری دیں گی۔ آفیشل اعلان کے بعد شرمین عبید چنائے اسٹار وارز کو ڈائریکشن دینے والی پہلی خاتون بن گئی ہیں۔ یہ خبر یقینا شرمین عبید چنائے کے مداحوں کے لئے ایک خوشخبری ہے ، شرمین اس حوالے سے کہتی ہیں کہ میں ایک نئی ذمہ داری کو نبھانے جا رہی ہوں اور اس حوالے سے میں بالکل بھی نروس نہیں بلکہ پرجوش ہوں.