لاہور: پاکستان تحریک انصاف (پی ٹی آئی) پنجاب کے سیکریٹری اطلاعات شوکت بسرا نے صوبے میں فارورڈ بلاک کے حوالے سے شیرافضل مروت کا دعویٰ مسترد کردیا-

باغی ٹی وی: پنجاب میں پی ٹی آئی میں فارورڈ بلاک کے حوالے سے اطلاعات پر شوکت محمود بسرا نے کہا کہ تحریک انصاف کے تمام اراکین قومی اور صوبائی اسمبلی متحد ہیں جو اراکین منحرف ہوئے ان کے خلاف پارٹی کارروائی کرنے جا رہی ہے، جو اراکین منتخب ہوئے ہیں وہ صرف بانی پی ٹی آئی کی وجہ سے جیت کر آئے ہیں، سب نے ووٹ بانی چیئرمین کو دیا اور بانی چیئرمین کو چھوڑنے والوں کا حال پرویز خٹک اور محمود خان جیسا ہوگا۔

واضح رہے کہ پی ٹی آئی کے مرکزی رہنما اور رکن قومی اسمبلی شیر افضل خان مروت نے کل ایک نجی ٹی وی کے پروگرام میں فارورڈ بلاک کی تصدیق کی تھی اور کہا تھا کہ پنجاب میں ہمارے اراکین صوبائی اسمبلی کو توڑا جارہا ہے،پی ٹی آئی میں فارورڈ بلاک ہے، جس کا 15 دن پہلے پتہ چلا تھا۔

ہمیں 15دن قبل ہی فارورڈ بلاک کا علم ہوا ،شیر افضل مروت