شہباز شریف ایاز صادق کے ہمراہ لشکری رئیسانی کے گھر پہنچ گئے

کوئٹہ:مسلم لیگ ن کے صدر شہبازشریف اور ایاز صادق بلوچستان کے سینئر سیاستدان لشکری رئیسانی کے گھر پہنچ گئے۔

باغی ٹی وی : مسلم لیگ ن کے قائد نوازشریف اور سابق وزیراعظم شہبازشریف دیگر پارٹی رہنماؤں کے ہمراہ بلوچستان میں ہیں اور ان کی جانب سے صوبے کی سیاسی جماعتوں کی قیادت اور اہم سیاستدانوں سے ملاقاتوں کا سلسلہ جاری ہے آج شہبازشریف اور ایاز صادق بلوچستان کے سیاستدان نوابزادہ لشکری رئیسانی کے گھر پہنچ گئے جہاں ان کا نواب اسلم رئیسانی اور لشکری رئیسانی نے استقبال کیا۔

ذرائع کا کہنا ہے کہ ن لیگ نے لشکری رئیسانی کو پارٹی میں شمولیت کی دعوت دے رکھی ہے اور ایاز صادق 2 مرتبہ ان سے ملاقات کرچکے ہیں، اور ممکنہ طور پر آج رئیسانی گروپ ن لیگ میں شمولیت اختیار کرسکتا ہے۔

امریکی صدر جوبائیڈن، انٹونی بلنکن اور لائڈ آسٹن کے خلاف مقدمہ درج

واضح رہے کہ گزشتہ روز نوازشریف سے ملاقات کرنے والے 30 ’الیکٹ ایبلز‘ ن لیگ میں شامل ہوئے تھے،اس موقع پر پارٹی قائد نواز شریف کا کہنا تھا کہ بلوچستان اور پاکستان کیلیے ایک پرمسرت موقع ہے کہ بلوچستان سے قد آور شخصیات نے مسلم لیگ ن میں شمولیت اختیار کی ہے میں اپنے قائد اور اپنی طرف سے اور مسلم لیگ ن کی طرف سے آپکو دل کی اتھا گہرائیوں سے خوش,آمدید کہتا ہوں-

ان کا کہنا تھا کہ اللہ تعالیٰ نے اگر مسلم لیگ ن کو موقع دیا تو مسلم لیگ ن بلوچستان کو اس کا اصل مقام اسے دلائے گی اور یہاں کے عوام کی بھرپور خدمت کرے گی، سی پیک اگر اپنے اہداف کے مطابق چلتا تو بلوچستان آج بہت بہتر پوزیشن میں ہوتا-

سویلا بریور مین کے برطانوی وزیر اعظم پر الزامات کی بوچھاڑ