کرونا وائرس کا خوف یا کرونا کے نام پرسیاست، ن لیگ نے آج رات حزب مخالف رہنما شہباز شریف کے پاکستان پہنچنے کا اعلان کردیا

لاہور:کرونا وائرس کا خوف یا کرونا کے نام پرسیاست، ن لیگ نے آج رات شہباز شریف کے پاکستان پہنچنے کا اعلان کردیا،اطلاعات کےمطابق ن لیگ کی ترجمان مریم اورنگزیب نے کہا ہےکہ سابق وزیراعلیٰ پنجاب اور قومی اسمبلی میں موجودہ قائد حزب اختلاف شہباز شریف کی آج رات وطن واپسی کا امکان ہے۔

قومی اسمبلی میں قائد حزب اختلاف شہباز شریف آج رات وطن واپس پہنچ رہے ہیں، مریم اورنگزیب

— PMLN (@pmln_org) March 21, 2020

پاکستان مسلم لیگ (ن) کی ترجمان مریم اورنگزیب کا کہنا ہے کہ شہباز شریف آج رات پاکستان واپس پہنچ رہے ہیں۔مریم اورنگزیب نےایک نجی ٹی وی سے گفتفو کرتے ہوئے بتایا کہ کورونا وائرس کی صورتحال میں پاکستانی عوام مشکل میں ہیں اسے دیکھتے ہوئے شہباز شریف نے پاکستان واپسی کا فیصلہ کیاہے۔

مریم اورنگزیب نے بتایا کہ نواز شریف کا آپریشن اگلے ہفتے ہونا ہے۔خیال رہے کہ شہباز شریف اپنے بڑے بھائی نواز شریف کے علاج کے لیے ان کے ہمراہ 19 نومبر کو لاہور سے لندن روانہ ہوئے تھے۔

x