اسلام آباد:باطل سےدبنےوالےاےآسماں نہیں ہم سَوبارکرچکاہےتُوامتحاں ہمارا:شیخ رشید کا پاکستان مخالف اتحاد کوپیغام ،اطلاعات کے مطابق وفاقی حکومت نے پاکستان ڈیموکریٹک موومنٹ پر مشتمل حزب اختلاف اتحاد کو چینلج کیا ہے کہ اپوزیشن ایک بار چھوڑ کر سو بار تحریک عدم اعتماد لائے تو اسے شکست ہوگی کیوں کہ پی ڈی ایم کے پاس کوئی حکمت عملی نہیں ہے۔
تفصیلات کے مطابق اس حوالے سے وفاقی وزیر داخلہ شیخ رشید احمد نے اپنے بیان میں کہا ہے کہ اپوزیشن ایک نہیں سو بار تحریک عدم اعتماد لا کر دیکھ لے ، انہیں کچھ حاصل نہیں ہوگا کیوں کہ فضل الرحمان بند گلی کی طرف جا رہے ہیں ، وہ خود بھی ہاتھ ملتے رہ جائیں گے۔
وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ اپوزیشن کے پاس کوئی حکمت عملی نہیں ہے ، اسی لیے استعفوں سے شروع ہونے والی بات اب تحریک عدم اعتماد تک آ گئی ، کیوں کہ استعفوں سے شروع والوں کی بس ہو گئی، اب بات عدم اعتماد کی گفتگو پر آگئی ہے ، اپوزیشن اگر تاعمر قید اور نااہلی سے بچ گئی تو ان کے لیے یہی غنیمت ہوگا۔
اس سلسلے میں وزیر خارجہ شاہ محمود قریشی نے کہا کہ تحریک عدم اعتماد لانے کی بات کر کے بلاول بھٹو نے وزیراعظم کو آئینی طور پر تسلیم کرلیا ، اب سلیکٹڈ کہنا بند کردیں۔
