ثانیہ مرزا سے قبل شعیب ملک کی عائشہ صدیقی سے شادی کی کہانی

0
151

شعیب ملک اور ثانیہ مرزا میں علیحدگی ہوئی، شعیب ملک نے ثنا جاوید کے ساتھ شادی کی تو بھارتی میڈیا شعیب ملک کی ایک اور شادی سامنے لے آیا، بھارتی میڈیا کا کہنا ہے کہ شعیب ملک کی یہ دوسری نہیں تیسری شادی ہے، شعیب ملک نے ایک اور بھارتی لڑکی سے ثانیہ مرزا سے شادی کی تھی.

بھارتی میڈیا نے دعویٰ کیا کہ شعیب ملک نے ثانیہ مرز ا سے 2010 میں شادی کی تھی تاہم 2002 میں شعیب ملک نے بھارتی شہر حیدر آباد کی ایک خاتون عائشہ صدیقی سے شادی کی تھی،عائشہ صدیقی کی جانب سے شعیب ملک کے ساتھ شادی پر شعیب ملک نے تردید کی تھی تا ہم عائشہ صدیقی نے شادی کے ثبوت پولیس کو پیش کئے تھے،اور دھوکہ دہی کا مقدمہ درج کروایا تھا،عائشہ صدیقی پیشے کے لحاظ سے ٹیچر ہیں، شعیب ملک نے مسلسل تردید کے بعد عائشہ صدیقی کو طلاق بھی دی تھی جس کا فیصلہ حیدر آباد دکن کی اہم مسلم شخصیات کی ثالثی کے بعد طے پایا تھا،بھارتی میڈیا کا دعویٰ ہے کہ 10 سے زائد لوگوں نے اس معاملے میں ثالث کے طور پر مدد کی تھی۔

عائشہ صدیقی کے والد محمد احمد صدیقی نے فروری 2008 میں دعویٰ کیا تھا کہ شعیب ملک نے جون 2002 میں ان کی بیٹی سے آن لائن افیئر کے بعد ٹیلی فونک نکاح کے ذریعے شادی کی تھی۔تاہم، شعیب ملک کا دعویٰ تھا کہ اس کی صرف اس سے منگنی ہوئی تھی اور خاندانوں کے درمیان مسائل کی وجہ سے شادی منسوخ کردی گئی تھی۔عائشہ صدیقی کی 2001 میں شعیب ملک کے ساتھ دبئی کے ایک ریسٹورینٹ میں اپنی دوست ماہا کے ساتھ ملاقات ہوئی تھی، عائشہ کو اس ملاقات کے بعد شعیب ملک سے پیار ہو گیا اور اس نے اپنے والدین سے رابطہ کرنے اور ٹیلی فونک نکاح کا بندوبست کرنے پر راضی کیا۔2005 میں جب پاکستان کرکٹ ٹیم حیدرآباد میں تھی، صدیقی نے کرکٹ ٹیم کے لیے ایک استقبالیہ کا اہتمام کیا۔ ایک ویب سائٹ نے ایک ذریعے کے حوالے سے بتایا کہ شعیب ملک کو اس وقت شک ہوا جب اس نے عائشہ سے ملنے کی خواہش ظاہر کی اور اس کے والدین نے کہا کہ وہ شہر سے باہر ہے۔

شعیب ملک کی جب ثانیہ مرزا سے شادی ہوئی تھی اسوقت عائشہ صدیقی اور اسکے والدین نے شعیب پر دھوکہ دہی کا مقدمہ بھی درج کروا دیا تھا،عائشہ نے دعویٰ کیا تھا کہ اس کے پاس نکاح نامہ کی کاپی ہے اور اس نے پولیس کو بطور ثبوت بھی دی ہے، نکاح نامہ کی کاپی بھارتی و پاکستانی میڈیا پر بھی نشر کی گئی تھی، اس میں دولہا کے کالم پر شعیب کے دستخط اور دلہن کے کالم پر ماہا صدیقی کا نام تھا۔عائشہ کا کہنا تھا کہ میں نے یہ نکاح نامہ جاری کیا ہے کیونکہ شعیب اور ان کے اہل خانہ اس شادی سے مسلسل انکار کررہے تھے،عائشہ کے والد نے دھمکی دی تھی کہ شعیب نے اگر عائشہ کو طلاق دیئے بغیر ثانیہ سے شادی کی تو وہ قانونی کاروائی کریں‌گے،شعیب ملک مسلسل شادی کی تردید کرتے رہے ،عائشہ کا کہنا تھا کہ شعیب نے نکاح نامہ کی کاپی دستخط کے لئے بھیجی تھی، ساتھ ہی پانچ سو روپے پاکستانی حق مہر کی رقم بھی بھیجی تھی،میرا نام ماہا صدیقی ہے، عائشہ وہ نام ہے جو مجھے میری دادی نے دیا تھا۔ ماہا میرے پاسپورٹ میں میرا نام ہے۔

بھارتی میڈیا کے مطابق ایک پاکستانی ٹیلی ویژن چینل نے 2004 کے ایک انٹرویو کے اقتباسات نشر کیے جس میں شعیب نے اعتراف کیا کہ اس کی عائشہ سے شادی ہوئی ہے۔انٹرویو لینے والے سے یہ پوچھے جانے پر کہ کیا لڑکیوں نے ان کے پاس جانا شروع کر دیا تھا کیونکہ وہ ایک نوجوان اور کامیاب کرکٹر تھا، ملک نے جواب دیا، "ایسا لگتا ہے کہ آپ چاہتے ہیں کہ مجھے میری بیوی مارے، میں پہلے ہی شادی شدہ ہوں، میرا نکاح ہو چکا ہے، وہ جدہ میں رہتی ہے۔ حالانکہ اس کا تعلق ہندوستان کے حیدرآباد سے ہے۔اس کا نام عائشہ ہے اور میں بہت خوش ہوں، اگر خواتین کی طرف سے کوئی کال آتی ہے تو میں انہیں اٹینڈ نہیں کرتا اور میں ان سے اجتناب کرتا ہوں۔

عائشہ صدیقی نے دعویٰ کیا کہ پاکستانی کرکٹر محمد یوسف کی اہلیہ ان کی شادی کے بارے میں جانتی تھیں، اس کی آخری بار 2007 میں شعیب سے بات ہوئی تھی اور اس کے بعد اس نے کبھی ان کی کال نہیں سنی،نکاح نامے میں شعیب ملک کا رہائشی پتہ A-4، طارق کالونی سیالکوٹ دیا گیا ہے جو کرکٹر کا آبائی شہر ہے۔نکاح سیالکوٹ کرکٹ ایسوسی ایشن کے رہائشی ذوالفقار ملک نے کیا تھا اور معاہدے میں نامزد دو گواہ مختار علی خان اور سید مبشر علی سیالکوٹ ہیں۔
nikkah

ثانیہ مرزا سے شادی سے قبل شعیب نے عائشہ صدیقی کو طلاق دے دی تھی، اس بات کا دعویٰ بھارتی میڈیا نے کیا ، بھارتی میڈیا کے مطابق شعیب ملک نے طلاق کے کاغذات پر دستخط کر دیے ہیں جو عائشہ صدیقہ کو بھیج دیے گئے ہیں۔عائشہ صدیقہ کے وکیل فاروق حسن نے ان خبروں کی تصدیق کرتے ہوئے کہا ہے کہ ملک کے خلاف کیس مضبوط تھا۔شعیب ملک اور عائشہ کے خاندان کے درمیان سمجھوتہ ہوا تھا۔ فاروق حسن نے تبصرہ کیا کہ ملک کے پاس شادی کو تسلیم کرنے کے علاوہ کوئی چارہ نہیں تھا۔

شعیب ملک کی اداکارہ ثنا جاوید سے دوسری شادی

ہمیشہ کر کٹ کھیلنے کے لئے پر جوش ہوں،شعیب ملک

یں‌ دکھاوے کا قائل نہیں ہوں جو ہے بس وہ ہے

سلما ن خان کے ساتھ ثانیہ ،شعیب تصاویر بنوا رہے ہیں

Leave a reply