تنگوانی :انڈس ہائی وے پر ڈاکوؤں سے پولیس کامقابلہ ،ایک ڈاکو زخمی حالت میں گرفتار 3 فرار

تنگوانی، باغی ٹی وی (نامہ نگار منصور بلوچ تنگوانی)تنگوانی تھانے کی حدود انڈس ہائی وے کے قریب پولیس کا ڈاکوؤں سے مبینہ مقابلہ، ایک ڈاکو زخمی حالت میں گرفتار 3 فرار

تفصیل کے مطابق ڈسٹرکٹ کشمور پولیس نے ایک پریس ریلیز جاری کی ہے کہ تنگوانی میں پولیس اور ڈاکووں میں فائرنگ کے تبادلے میں ایک ڈاکو زخمی حالت میں گرفتار اور تین ڈاکو فرار. ہوگئے ہیں جبکہ زخمی حالت میں گرفتار ملزم کی شناخت الٰہی بخش باجکانی کے نام سے ہوئی ہے.
اور گرفتار ملزم کے قبضے سے ٹی ٹی پسٹل برآمد ہوا ہے ،ملزم کو علاج معالجے کے لیے ہسپتال داخل کرایا گیاے .

ابتدائی معلومات کے مطابق زخمی حالت میں گرفتار ملزم کشمور پولیس کو سنگین نوعیت کے جرائم کی متعدد وارداتوں میں ملوث ہے.گرفتار ملزم کا کریمنل ریکارڈ چیک کیا جا رہا ہے اور مزید تفتیش جاری ہے.

دوسری طرف ذرائع کاکہنا ہے کہ تنگوانی پولیس نے الہی بخش باجکانی کو گرفتار کر کے خود بھگادیا اوراسے گولیاں مارکر ڈاکوؤں سے مقابلہ ظاہرکیا
گرفتار ملزم الٰہی بخش باجکانی پر تنگوانی تھانے میں مقدمہ بھی درج کیا گیا ہے