سندھ کے علماء نے مذہبی ہم آہنگی کی مثال قائم کر دی

سندھ کے تمام مکاتب فکر کے علما نے مذہبی ہم آہنگی کی مثال قائم کر دی۔

مفتی تقی عثمانی،علامہ باقر زیدی، صابر کربلائی، مولانا جان نعیمی، مفتی منیب الرحمن، ڈاکٹر جمیل احمد، شبر رضا،مفتی عابد مبارک اور دیگر علما محرم کے دوران اپنے پیروکاروں کو اخوت، بھائی چارے اور مذہبی تقریبات پر امن اور مذہبی عقیدت سے منانے کی تلقین کرتے رہے، انھوں نے باہمی اخوت سے تمام اندرونی اور بیرونی سازشوں کو ناکام بنانے کا عزم دہرایا۔

علما نے کہا کہ ایسے موا قع پر کچھ لوگ ایسی باتیں کرتے ہیں جن سے شدت پسندی یا نفرت انگیزی یا فرقہ واریت پھیلتی ہے، ایسی بات نہیں کرنی چاہیے،اپنے وطن کو نعمت سمجھ کر اس کی قدر اور اللہ تعالیٰ کا شکر ادا کرنا چاہیے۔